އެގޮތުން އިނގިރޭސިވިލާތުގެ ވެރިރަށް ލަންޑަންއިން މާލެއަށް ކޮންމެ ހަފްތާއަކު ތިން ދަތުރު ކުރުމަށް ހަމަޖެހިފައިވާކަމަށް އެ އެއާލައިނުން ވަނީ ހާމަކޮށްފަ އެވެ.

މި ދަތުރުތައް އޮންނާނީ ކޮންމެ އާދީއްތަ، ބުދަ އަދި ހުކުރު ދުވަހަކު އެވެ. އަދި ކޮންމެ ހޯމަ، ބުރާސްފަތި އަދި ހޮނިހިރު ދުވަހަކު މާލެ އާއި ލަންޑަނާއި ދެމެދު އެ އެއާލައިނުން ސީދާ ދަތުރުތައް ކުރާނެ އެވެ.

ބްރިޓިޝް އެއާވޭޒްގެ ވެބްސައިޓުގައިވާގޮތުގައި އޮކްޓޯބަރު މަހު ފަށާ ދަތުރުތަކުގައި އިކޮނޮމީ ކުލާހުގެ ޓިކެޓެއްގެ އަގު އުޅެނީ 100 ޔޫރޯ އާއި 935 ޔޫރޯއާއި ދެމެދުގަ އެވެ. މި ދަތުރުތަކަކީ ފަތުރުވެރިކަމުގެ ޕީކް ސީޒަނާއި ދިމާކޮށް ކުރާ ސީދާ ދަތުރުތަކެކެވެ.

ބްރިޓިޝް އެއާވޭޒްއިން ބުނިގޮތުގައި ދަތުރުމަތީގައި ކެބިން ކުރޫއިންވެސް ތިބޭނީ ޕީޕީއީ އަޅައިގެންނެވެ. އަދި ކޮވިޑް-19ގެ އެއްވެސް ކަހަލަ އަލާމާތެއް ފެނިއްޖެނަމަ އެ ފަސެންޖަރަކަށް ދަތުރު ނުކުރުމަށް ނަސޭހަތްތެރިވާނޭކަމަށް ބްރިޓިޝް އެއާވޭޒްއިން ބުންޏެވެ.

އިތުރު ލިޔުންތައް

ފަތުރުވެރިން

މިލިޔުމާއި ގުޅޭ