ކުޅުދުއްފުށީ މޮނިޓަރިން ނަގައިފި

ކުޅުދުއްފުށި ސިޓީ މޮނިޓަރިން ހާލަތު އުވާލައި އާންމު ހާލަތަށް ބަދަލުކޮށްފި އެވެ. ކުޅުދުއްފުށީ ޕޮލިސް ސްޓޭޝަންގައި މަސައްކަތްކުރާ ފުލުހެއް ކޮވިޑަށް ޕޮޒިޓިވްވުމާ ގުޅިގެން ކޮންޓެކްޓް ޓްރޭސިން ހެދުމަށް ރަށް މޮނިޓަރިންއަށް ލީ ރޭގެ 21:15 ގައި އެވެ.

އެޗްޕީއޭއިން ކުޅުދުއްފުށި މޮނިޓަރިން ނަގާފައިވާކަން ކައުންސިލަށް އަންގާފައިވަނީ މިއަދު ހަވީރު 17:08 ގައި އެވެ. މި ކޭސްއާ ގުޅިގެން ކުޅުދުއްފުށީގެ އިތުރުން ހއ ދިއްދޫ، ހޯރަފުށީ، ބާރަށް އަދި ހދ ކުރިނބީ އާއި ށ ފުނަދޫވެސް މޮނިޓަރިންއަށްލި އެވެ.

ކުޅުދުއްފުށީ ރީޖަނަލް ހޮސްޕިޓަލުން ބުނީ ޑައިރެކްޓް ކޮންޓެކްޓްގެ ގޮތުގައި ފާހަގަކުރެވުނު 23 މީހެއްގެ ސާމްޕަލް މިއަދު ޓެސްޓްކުރެވޭނެ ކަމަށެވެ. އަދި މޮނިޓަރިން އުވާލިޔަސް ރައްކާތެރިކަމުގެ ފިޔަވަޅުތަކާއެކު އުޅުމަށް އިލްތިމާސްކުރެއްވި އެވެ.