ފާޅުބޯޓް ކޭސް: އެންމެން ރަނގަޅުވެ ދޫކޮށްލައިފި

ކުޅުދުއްފުއްޓާއި މާލެއާ ދެމެދު ދަތުރުކުރާ ފާޅުބޯޓްގެ ކެޕްޓަން ކޮވިޑް19 އަށް ޕޮޒިޓިވްވުމާ ގުޅިގެން ކަރަންޓީނު ކުރި އެންމެން ދޫކޮށްލައިފި އެވެ.

މި ބޯޓްގެ ކެޕްޓަނުގެ އިތުރުން ދެ ފަޅުވެރިޔަކާއި ފަޅުވެރިޔެއްގެ އަންހެނުން ވަނީ ޕޮޒިޓިވްވެފަ އެވެ. އެކަމާ ގުޅިގެން 51 މީހަކު އެކަހެރިކުރި އެވެ. އެއީ ކުޅުދުއްފުށިން 46 މީހަކާއި ނޮޅިވަރަމުން 5 މީހެކެވެ.

އޮފިޝަލަކު ވިދާޅުވީ، ފާޅުބޯޓް ކޭސްއާ ގުޅިގެން 14 ދުވަސްހަމަކޮށް ނެގި ސާމްޕަލްތައް ނެގެޓިވްވި ކަމަށެވެ. މި ކޭސްއާ ގުޅިގެން ކުޅުދުއްފުށިން 46 ސާމްޕަލަކާއި ނޮޅިވަރަމުން 5 ސާމްޕަލެއް ނެގި އެވެ. އެ ހުރިހާ އެންމެން އިއްޔެ ވަނީ ދޫކޮށްލާފަ އެވެ.