އެވިޑް ކޮލެޖުން އަންނަ ޖެނުއަރީގައި ފަށާ ކޯސްތަކަށް ފުރުސަތު ހުޅުވާލައިފި

އެވިޑް ކޮލެޖުން އަންނަ އަހަރު ޖެނުއަރީގައި ފެށުމަށް ހަމަޖެހިފައިވާ ކޯސްތަކުގައި ބައިވެރިވުމުގެ ފުރުސަތު އެ ކޮލެޖުން ހުޅުވާލައިފި އެވެ.

ފޭސްބުކް ލައިވް މެދުވެރިކޮށް މިއަދު މެންދުރުފަހު ބޭއްވި ވާރޗުއަލް އޯޕަންޑޭގެ ހަރަކާތް ފަށްޓަވައި ދެއްވުމުގެ ގޮތުން މިއަންނައަހަރުގެ ޖެނުއަރީ މަހު އެވިޑް ކޮލެޖުން ފެށުމަށް ހަމަޖައްސާފައިވާ ކޯސްތަކުގައި ބައިވެރިވުމުގެ ފުރުސަތު މިއަދު ހުޅުވާލައްވައިފިއެވެ. ރަސްމީކޮށް ރަސްމިއްޔާތު ފައްޓަވައިދެއްވީ ކޮލެޖުގެ ޗެއަރަމަން އަބްދުﷲ މުސްތާޤް ރަޝާދެވެ.

އެ ކޮލެޖުން ބުނީ ތަފާތު ގިނަ ދާއިރާތަކަކުން ހަތްދިހައަށް ވުރެ ގިނަ ކޯސް ޖެނުއަރީ މަހު އެވިޑް ކޮލެޖުގައި ކުރިއަށް ގެންދިއުމަށް ހަމަޖައްސާފައިވާ ކަމަށެވެ. ކޯސްތައް ހިންގާ ދާއިރާތަކުގެ ތެރޭގައި ބިޒްނަސް އެޑްމިނިސްޓްރޭޝަން ، ޕްރޮޖެކްޓް މެނޭޖްމެންޓް ، ހިއުމަން ރިސޯރސް މެނޭޖްމެންޓް ، އެކައުންޓިންގ އެންޑް ފައިނޭންސް ، އިންފޮރމޭޝަން ޓެކްނޮލޮޖީ ، އޮފީސް މެނޭޖްމެންޓް ، އެޑިޔުކޭޝަނަލް ލީޑަރޝިޕް ، ޓީޗިންގ ސެކަންޑްރީ ، ޓީޗިންގ ޕްރައިމަރީ ، އާރލީޗައިލްޑްހުޑް އެޑިޔުކޭޝަން ، ޝަރީއާ އެންޑް ލޯ، ޤުރުއާން ޓީޗިންގ ، ސައިކޮލޮޖީއާއި ކައުންސެލިންގ އަދި އިންކްލޫސިވް އެންޑް ސްޕެޝަލް އެޑިޔުކޭޝަން ހިމެނެއެވެ.

މީގެ ގިނަ ދާއިރާތަކުން ސެޓްފިކެޓް ލެވެލް ، ޑިޕްލޮމާ ލެވެލް ، އެސޯސިއޭޓް ޑިގްރީ ލެވެލް ، ބެޗްލަރސް ޑިގްރީ ލެވެލް އަދި މާސްޓަރސް ލެވެލްގެ ކޯސްތައް އެވިޑް ކޮލެޖްގައި ހިންގަމުންގެންދެއެވެ.

އަންނަ ޖެނުއަރީމަހުގެ ސެމެސްޓަރއަށްވެސް އެވިޑް ކޮލެޖުން ސްކޮލަރޝިޕްގެ ފުރުސަތުތައް ވަނީ ހުޅުވާލައްވާފައެވެ.

އެވިޑްކޮލެޖްގެ ޗެއަރަމަންގެ ލޮބިވެތި ބައްޕާފުޅުގެ ނަންފުޅަށް ހާއްސަކުރައްވައިގެން " ނައިބްރަޝާދު ސްކޮލަރޝިޕް " ފުރުސަތުގެ ގޮތުގައި މިފަހަރުވެސް 30 ފުރުސަތު ހުޅުވާލެއްވި ކަމަށް އެވިޑް ކޮލެޖުން ބުންޏެވެ.

ކޯސްތަކާބެހޭ މައުލޫމާތާއި ސްކޮލަރޝިޕްތަކާއިބެހޭ މައުލޫމާތު ސާފުކުރެއްވުމަށް އެވިޑް ކޮލެޖް ތިނަދޫ ކެމްޕަހުން ގުޅުއްވާނީ 6846768 ނަންބަރަށެވެ. މާލޭގައި ހިންގާ ޑައިމަންޑް ކެމްޕަހުން 3006768 ނަންބަރަށެވެ.

އެވިޑް ކޮލެޖަކީ ދިވެހިރާއްޖޭގައި ހިންގާ އެންމެ ބޮޑު އަމިއްލަ އެއްކޮލެޖެވެ. އެކޮލެޖުގައި އަބަދުވެސް ކޯސްތައް ހިންގަނީ އާންމު ރައްޔިތުންނަށް އަތްފޯރާފަދަ އަގެއްގައި ދަރިވަރުންނަށް ފަސޭހައިން ފައިސާ ދެއްކޭގޮތަށް ބައްޓަންކޮށްގެންނެވެ. މިހާރުވެސް އެވިޑް ކޮލެޖްގައި އެކިއެކި ކޯސްތަކުގައި ދެހާހަށްވުރެ ގިނަ ދަރިވަރުން މަތީ ތައުލީމު ހާސިލްކުރަމުންގެންދެއެވެ.