ކުޅުދުއްފުށިން އިތުރު 4 މީހަކު ކޮވިޑް 19 އަށް ޕޮޒިޓިވްވުމާ ގުޅިގެން އިތުރަށް ބަލަންޖެހޭ ކަންކަން ބެލުމަށްޓަކައި، ކުޅުދުއްފުށި އަނެއްކާވެސް މޮނިޓަރިންއަށްލައި ރަށަށް އަރައި ފޭބުން މަނާކޮށްފި އެވެ.
ކުޅުދުއްފުށި މިފަހަރު ކަރަންޓީނަށް ލާފައިވާއިރު ކުޅުދުއްފުށިން އިތުރު މީހަކު ކޮވިޑް 19 އަށް ޕޮޒިޓިވްވިކަން އެޗްޕީއޭއިން އަންގާފައި ނުވިނަމަވެސް، ކޭއޯ އަށް މައުލޫމާތު ލިބިފައިވާ ގޮތުގައި މިރޭ ވަނީ އިތުރު 4 މީހަކު ޕޮޒިޓިވް ވެފައެވެ. މި 4 މީހުންނަކީ ކުޅުދުއްފުށީ ޕޮލިސް ކްލަސްޓަރއާ ގުޅުންހުރި ބައެއްކަން ވަނީ އެނގިފައެވެ.
ކުޅުދުއްފުށި މޮނިޓަރިންގއަށް ލާފައިވާކަން އެންގުމުގެ ގޮތުން މިރޭ ހެލްތް ޕްރޮޓެކްޝަން އޭޖެންސީން (އެޗްޕީއޭ) ނެރުނު އެންގުމުގައި ބުނެފައިވާ ގޮތުގައި، މިރޭ 22:35 އިން ފެށިގެން ކުޅުދުއްފުށި ވަނީ މޮނިޓަރިންގ ހާލަތަށް ގެނެވިފައެވެ. އެގޮތުން މިވަގުތު ކުޅުދުއްފުށީގައި ތިބި އެއްވެސް މީހަކު ރަށުން ފުރައިގެން ދިޔުމާއި އަދި އެޗްޕީއޭގެ ހުއްދަނެތި ރަށަށް އެރުން މަނާވާނެއެވެ.
އެޗްޕީއޭއިން މިރޭ އާންމުކޮށްފައިވާ ތަފާސްހިސާބަށް ބަލާއިރު، މާލެ ފިޔަވައި މީހުން ދިރިއުޅޭ ރަށަކުން ޕޮޒިޓިވް ކޭސްއެއް ރިޕޯޓު ކޮށްފައެއް ނުވެއެވެ.
އިއްޔެ އިރޮއޮއްސި 6 އަކަުން ފެށިގެން މިއަދުގެ އިރޮއޮއްސި 6 އަކަށް މުޅި ރާއްޖެއިން ކޮވިޑް 19 އަށް ޕޮޒިޓިވް ވެފައިވަނީ ޖުމްލަ 24 މީހުންނެވެ. އޭގެ ތެރޭގައި ހިމެނެނީ 20 ދިވެހިންނާއި 4 ބިދޭސީންނެވެ.
މިހާތަނަށް ރާއްޖެއިން ކޮވިޑް 19 އަށް 11،178 މީހުން ޕޮޒިޓިވް ވެފައިވާއިރު މި ބަލީގައި މިހާތަނަށް ރާއްޖެއިން 36 މީހަކުވަނީ ނިޔާވެފައެވެ.
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
