ހަނިމާދޫ ބަނދަރުގެ 25 ޕަސެންޓް ނިމިއްޖެ

މިދިޔަ ޖޫން މަހު އެއްވަނަ ދުވަހު މަސައްކަތް ފެށި ހދ ހަނިމާދޫ ބަނދަރުގެ 25 ޕަސެންޓު ނިމިފައިވާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)ން ބުނެފިއެވެ.

އެމްޓީސީސީން ބުނީ މި މަޝްރޫއުގެ ތެރެއިން ފަޅު ފުންކުރުމުގެ މަސައްކަތުގެ 53 ޕަސެންޓް މިހާރު ނިމިފައިވާ ކަމަށެ އެވެ.

މި ޕްރޮޖެކްޓުގެ ދަށުން 53،523 ކިޔުބިކް މީޓަރުގެ ސަރަހައްދެއްގެ ފަޅު ހިއްކައި ފުންކުރާނެ އެވެ. އަދި 355 މީޓަރުގެ ބްރޭކްވޯޓާއެއް ގާއިމްކޮށް 50 މީޓަރުގެ ރިވެޓްމެންޓު ޖަހާނެ އެވެ.

Work on Hdh. Hanimaadhoo Harbour is well underway, with overall 25% project progress. Harbor Basin Dredging works for the project is currently ongoing, with 53% completion. The project was mobilized on 05 May 2020. pic.twitter.com/sT8YVcsnH2

— MTCC Plc (@MTCCPlc) October 28, 2020

މި ޕްރޮޖެކްޓަށް 57.1 މިލިއަން ރުފިޔާ ހަރަދު ކުރާއިރު މި ޕްރޮޖެކްޓު ނިންމާލާއިރު 2583 އަކަ މީޓަރުގެ ސަރަހައްދެއްގައި ޕޭވްމަންޓް ހަދައި، ނެރު ބައްތި ޖެހުމުގެ މަސައްކަތް ހިމެނޭ ކަމަށްވެސް އެމްޓީސީސީން ބުންޏެވެ. މީގެ އިތުރުން 270 މީޓަރުގެ ސަރަހައްދެއްގައި އެއްގަމު ތޮށި ލުމުގެ މަސައްކަތް ހިމެނެ އެވެ.

މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން އެމްޓީސީސީއާއި ހަވާލުކޮށްގެން ކުރިއަށްގެންދާ މި މަޝްރޫއު މޮބިލައިޒް ކޮށްފައިވަނީ 05 މެއި 2020 ގައެވެ.