ކެންސާ ސޮސައިޓީއަށް ބީއެމްއެލްއިން 150،000 ރުފިޔާ ހަދިޔާކޮށްފި

ބޭންކް އޮފް މޯލްޑިވްސް (ބީއެމްއެލް) އިން ކެންސާ ސޮސައިޓީ އަށް 150،000 ރުފިޔާ ހަދިޔާ ކޮށްފި އެވެ.

މިއީ އެނުއަލް ޕިންކް ރިބަން ވޯކް އަށް ބީއެމްއެލް އިން ދިން އެހީއެކެވެ. ބީއެމްއެލް އިން ކެންސާ ސޮސައިޓީ އަށް ދިން އެހީ އެ ޖަމްއިއްޔާ އާއި ހަވާލުކޮށްދެއްވީ ބީއެމްއެލްގެ ސީއީއޯ ޓިމް ސޯޔާ އެވެ.

ޕިންކް ރިބަން ވޯކް އަކީ އުރަމަތީގެ ކެންސަރަށް މީހުން ހޭލުންތެރިކުރުމަށް ކެންސާ ސޮސައިޓީ އިން ކުރިއަށްގެންދާ ހަރަކާތެކެވެ. މި އެހީ ހަވާލުކުރުމަށް ބޭއްވި ރަސްމިއްޔާތަށް ފަހު ޓިމް ވަނީ ކެންސާ ސޮސައިޓީގެ މެންބަރުންނާއި ކެންސަރަށް ފަރުވާ ހޯދާ ޕޭޝަންޓުން އަދި ކެންސާ ސަވައިވާސް އާ ބައްދަލު ކުރައްވައިފަ އެވެ.

މިއަހަރުގެ ޕިންކް ރިބަން ރަން- ވޯލްކް ހަރަކާތް ބޭއްވީ ވާޗުއަލް އިވެންޓެއްގެ ގޮތުގަ އެވެ. އެ ހަރަކާތުގައި ގާތްގަނޑަކަށް 700 މީހުން ވަނީ ބައިވެރިވެފަ އެވެ.