ނާސްތާ ޕްރޮގުރާމް އަންނަ އަހަރު އަލުން ފަށަނީ

ނަބީލާ އިސްމާޢީލް

Nov 9, 2020

ނާސްތާ ޕްރޮގްރާމް އަންނަ އަހަރު ވެސް ކުރިއަށް ގެންދާނެ ކަމަށް ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެ އެވެ.

މިއަދު މަޖިލީހުގައި އޮތް އަންނަ އަހަރަށް ލަފާކުރާ ބަޖެޓު ބަޔާން ހުށަހަޅުއްވަމުން އަމީރު ވިދާޅުވީ ސަރުކާރުގެ އަމާޒަކީ، ފެންވަރު ރަނގަޅު ތައުލީމެއް ރާއްޖޭގެ ފަސް ސަރަހައްދަކުން ލިބޭނެ މަގު ފަހިކޮށްދިނުން ކަމަށެވެ.

އަމީރު ވިދާޅުވީ މި ސަރުކާރުން ކާމިޔާބުކަމާ އެކު ފެށި ހެނދުނުގެ ނާސްތާ ޕްރޮގްރާމް، ބަދަލުތަކަކާ އެކު އިތުރަށް ހަރުދަނާކޮށް، އެފިޝަންޓްކޮށް 2021 ވަނަ އަހަރު ވެސް މި ޕްރޮގްރާމް ކުރިއަށް ގެންދިއުމަށް ވަނީ ބަޖެޓްކުރެވިފަ ކަމަށެވެ.

ކޮވިޑާ ގުޅިގެން ސްކޫލްތައް ބަންދުކުރުމަށް ފަހު އަލުން ހުޅުވިފަހުން ނާސްތާ ޕްރޮގްރާމް އޮތީ މެދުކަނޑާލައިފަ އެވެ. އަދި މިނިސްޓްރީން އިލްތިމާސްކޮށްފައި ވަނީ ގެއިން ނާސްތާ ކޮށްގެން ދަރިވަރުން ސްކޫލަށް އައުމަށެވެ.

ދަރިވަރުންނަށް ނާސްތާ ދިނުމަކީ ރައީސް އިބްރާހިމް މުހައްމަދު ސޯލިހުގެ ވައުދެކެވެ. މިދިޔަ އަހަރުގެ ދެވަނަ ޓާމްގައި ރާއްޖޭގެ ހުރިހާ ސްކޫލްތަކެއްގައި ދަރިވަރުންނަށް ނާސްތާ ދިޔައީ ދެމުންނެވެ.

އިތުރު ލިޔުންތައް

އެޑިއުކޭޝަން މިނިސްޓްރީ

ނާސްތާ ޕްރޮގުރާމް

މިލިޔުމާއި ގުޅޭ