ށ އަތޮޅު މިލަންދޫއާއި ކޮމަންޑޫއިން މަސްތުވާތަކެއްޗާއެކު 3 މީހުން ހައްޔަރުކޮށްފި އެވެ.
ފުލުހުން ހިންގި އޮޕަރޭޝަންތަކެއްގައި މި މީހުން ހައްޔަރުކޮށްފައިވަނީ އިއްޔެ އެވެ.
ފުލުހުން ބުނީ މިލަންދޫގައި ހިންގި އޮޕަރޭޝަނަކީ އެ ރަށުގައި މަސްތުވާތަކެތި ގެންގުޅެ އެތަކެތި ބޭނުންކުރާކަމަށް އާންމު ފަރާތަކުން އެ ރަށު ޕޮލިސް ސްޓޭޝަނަށް ދިން މައުލޫމާތަކާ ގުޅިގެން އިއްޔެ ހިންގި އޮޕަރޭޝަނުގައި 29 އަހަރުގެ ދިވެހި ދެ ފިރިހެނުން ހައްޔަރުކޮށްފައިވާ ކަމަށެވެ. އެގޮތުން މިލަންދޫ އޮޑިހަރުގެއެއްގެ ތެރެއިން އެ ދެމީހުން ހުއްޓުވައި ބަލައި ފާސްކުރިއިރު މަސްތުވާތަކެތިކަމަށް ޝައްކުކުރެވޭ އެއްޗެއް ހުރި ކަރުދާސްކޮޅެއް ފެނިފައިވާ ކަމަށް ފުލުހުން ބުންޏެވެ.
އަދި ކޮމަންޑޫގައި ހިންގި އޮޕަރޭޝަނަކީ ރަށުތެރެ ޕެޓްރޯލުކުރަމުން ދިޔަ ފުލުހުންނަށް ލިބުނު މައުލޫމާތަކާ ގުޅިގެން ހިންގި އޮޕަރޭޝަނެއް ކަމަށާއި މި އޮޕަރޭޝަނުގައި 40 އަހަރުގެ ދިވެހި ފިރިހެނަކު ހައްޔަރު ކޮށްފައިވާ ކަމަށެވެ. އިއްޔެ ހިންގި މި އޮޕަރޭޝަނުގައި މަގުމަތިން އޭނާ ހުއްޓުވައި ބަލައި ފާސްކުރިއިރު މަސްތުވާތަކެތިކަމަށް ޝައްކުކުރެވޭ އެއްޗެއް ހުރި 11 ސެލޯފިންކޮޅާއި ރަބަރު ޕެކެޓެއް ފެނިފައިވާ ކަމަށް ފުލުހުން ވަނީ ބުނެފަ އެވެ.
ކިޑްނީ އަދި އެތެރެހަށީގެ ހާއްސަ ޑޮކްޓަރު އަހުމަދު އަބުދުﷲ ކުޅުދުއްފުށީ ހާޖީ މެޑިކަލް ކުލިނިކަށް
ބީއެމްއެލްގެ ބިޒްނަސް ސެންޓަރާއި އެސްޓީއޯގެ ޝޯ ރޫމްގެ ބިމަށް ފިނޭންސުން ހުއްދަ ނުދޭ
ޓާޝަރީ ފެންވަރަށް ގެންދަން އެކަށޭނެ ބަޖެޓެއް ކަމާ މެދު ސުވާލު
ޖިހާދޭގެ ތުހުމަތުތައް ދޮގުކޮށް، ކުންފުނިތަކުން ރައްދުދީފި
