މާފަލު ހިޔާގެ ރޯހައުސްތަކަށް ޗޮއިސް އެންޑް ޕްލަސްއިން ހިލޭ ކޭބަލް ކަނެކްޝަން ގުޅާދެނީ

މީޑިއާ ނެޓްގެ ޕާޓްނަރެއްގެ ގޮތުގައި ކުޅުދުއްފުށީގައި ހަރަކާތްތެރިވާ ޗޮއިސް އެންޑް ޕްލަސް އިން، މާފަލު ހިޔާ ރޯހައުސްތަކަށް ބަދަލުވި ފަރާތްތަކަށް މަރުހަބާ ކިއުމުގެ ގޮތުން ހަދިޔާއެއްގެ ގޮތުގައި ކޭބަލް ކަނެކްޝަން ހިލޭ ގުޅައިދިނުމަށް ނިންމައިފި އެވެ.

ޗޮއިސް އެންޑް ޕުލަސްގެ ފަރާތުން ކޭއޯއަށް މައުލޫމާތު ދެމުން ބުނީ ކޭބަލް ޓީވީ އަދި ސްޕަނެޓްގެ ހިދުމަތް ބޭނުންވާ ފަރާތްތަކުގެ ތެރެއިން އެ ރޯހައުސްތަކަށް ބަދަލުވި ފަރާތްތަކަށް ކަނެކްޝަން ހިލޭ ގުޅައިދޭން ނިންމާފައިވާ ކަމަށާއި އެ ހިދުމަތް ބޭނުންވާ ފަރާތް ތަކުން މިމަހުގެ ނިޔަލަށް ޗޮއިސް އެންޑް ޕްލަސްއަށް ގުޅައިގެން ނަންނޯޓް ކުރެވޭނެ ކަމަށެވެ.

ހިލޭ ކޭބަލް ހިދުމަތް ފޯރުކޮށްދިނުމަށް ޗޮއިސް އެންޑް ޕްލަސްގެ 6528077 ނުވަތަ 9908958/ 9958989 އަށް ގުޅުވުމުން ހަމަޖެހިގެންދާނެކަމަށް އެފަރާތުން މައުލޫމާތުދެ އެވެ.

ޗޮއިސް އެންޑް ޕްލަސް އިން ބުނީ ރޯހައުސްތަކަށް ބަދަލުވި ފަރާތްތަކުގެ ތެރެއިން މިޕްރޮމޯޝަންގެ ސަބަބުން ކޭބަލް ޓީވީގެ ހިދުމަތް ބޭނުންވެފައިވާ ފަރާތްތަކަށް ލުއިކަމެއް ލިބިގެންދާނެ ކަމަށެވެ.

އުރީދޫގެވެސް ޕާޓްނަރެއްގެ ގޮތުގައި ހަރަކާތްތެރިވާ ޗޮއިސް އެންޑް ޕްލަސް އިން ހިލޭ އަޅައިދޭ މި ކޭބަލްއިން އުރީދޫ ސްޕަރނެޓްގެވެސް ހިދުމަތް ލިބޭނެ އެވެ.