ފަހި ދިރިއުޅުން ކޯޕަރޭޝަނުން (ފާފުދާލު) އިން އިންޑިއާގެ އެންބީސީސީ ކުންފުންޏާ ގުޅިގެން ހުޅުމާލޭގައި 2،000 ޕްލެޓް އަޅަން ނިންމައިފި އެވެ.
މި ޕްރޮޖެކްޓް ހިންގުމަށް ޕްރޮކިއުމަންޓް އެންޑް ކޮންސްޓްރަކްޝަން (އީޕީސީ) ކޮންޓްރެކްޓަރުގައި މިހާރު ސޮއިކޮށްފައި ވާއިރު މި މަޝްރޫއުގެ ދަށުން ހުޅުމާލޭގައި އަޅަނީ 900 އަކަފޫޓުގެ ތިން ކޮޓަރީގެ 1400 ޔުނިޓާއި 650 އަކަފޫޓުގެ ދެ ކޮޓަރީގެ 600 ޔުނިޓެވެ.
ފަހި ދިރިއުޅުން ކޯޕަރޭޝަނަކީ ބޯހިޔާވަހި ކަމުގެ މަޝްރޫއުތައް ހިންގަން މި ސަރުކާރުން އުފެއްދި ކުންފުންޏެކެވެ. ހުޅުމާލޭގެ ދެވަނަ ފިޔަވަހީގައި ހިންގާ 2،000 ފްލެޓު އަޅަން ހިންގާ މަޝްރޫއުގެ އަގު 130 މިލިއަން ޑޮލަރަށް އަރާނެ ކަމަށް އެ ކުންފުނިން މައުލޫމާތު ދެއެވެ.
މި މަޝްރޫއު ކުރިއަށް ގެންދިއުމަށް 130 މިލިއަން ޑޮލަރުގެ ލޯނެއް އިންޑިއާގެ އެކްސްޕޯޓް އިމްޕޯޓް ބޭންކް އިން ވަނީ ނަގާފަ އެވެ. މި ލޯނު ފާފުދާލަށް ދީފައި ވަނީ ދިވެހި ސަރުކާރުން ސޮވަރިން ގެރެންޓީ ދީގެންނެވެ.
ފާފުދާލާ ގުޅިގެން ރާއްޖޭގައި ފްލެޓް އަޅާ އިންޑިއާގެ އެންބީސީސީއަކީ ޕްރޮޖެކްޓް މެނޭޖުމަންޓާއި ރިއަލް އެސްޓޭޓް ޑިވްލޮޕްމެންޓް އަދި އީޕީސީ ކޮންޓްރެކްޓުގެ މަސައްކަތް ކުރާ އިންޑިއާ ސަރުކާރުގެ 100 ޕަސެންޓް ހިއްސާވާ ކުންފުންޏެކެވެ.
ފާފުދާލު އުފެއްދި ފަހުން މިހާތަނަށް ބޯހިޔާވަހި ކަމުގެ މަޝްރޫއެއް ހިންގާފައެއް ނުވެ އެވެ. ނަމަވެސް މިދިޔަ އަހަރުގެ މާޗް މަހުގެ ތެރޭގައި 1700 ހައުސިން ޔުނިޓް އަޅަން އެ ކުންފުންޏާއި ޗައިނާގެ ކުންފުންޏަކާ ސޮއިކުރި އެވެ. ނަމަވެސް މި މަޝްރޫއަކީ ކުރީގެ ސަރުކާރުން ހިންގަން ނިންމައި ލިޔެކިއުންތައް ފުރިހަމަ ކޮށްގައިވާ މަޝްރޫއެކެވެ.
ކުޅުދުއްފުށީގައި ބާއްވާ އަންހެން މަސައްކަތެރިކަމުގައި މައުރަޒު ހުޅުވައިފި
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
