އެންވަޔަރަމަންޓް މިނިސްޓްރީން 10 ރަށެއްގައި ކުނި މެނޭޖުކުރާ މަރުކަޒު ގާއިމު ކުރުމަށް އެ ރަށްރަށުގެ ކައުންސިލްތަކާއެކު އެއްބަސް ވުމުގައި ސޮއިކޮށްފި އެވެ.
މި އަހަރުގެ ބަޖެޓުގައި މި މަޝްރޫއުތަކަށް ޖުމުލަ 9.1 މިލިއަން ރުފިޔާ ވަނީ ކަނޑައަޅާފަ އެވެ.
އެގޮތުން ކުނި މެނޭޖުކުރާ މަރުކަޒުތައް ގާއިމް ކުރުމަށް ނިންމާފައިވަނީ ހއ އަތޮޅުން އިހަވަންދޫ، ދިއްދޫ، ވަށަފަރު އަދި އުތީމެވެ. ހދ އަތޮޅުން ނައިވާދޫ، ހަނިމާދޫ، ނޮޅިވަރަންފަރު އަދި ނެއްލައިދޫ އެވެ. މީގެ އިތުރުން ދެން މަރުކަޒު ގާއިމް ކުރުމަށް ނިންމާފައިވަނީ ށ ނަރުދޫއާއި، ގދ ތިނަދޫގައެވެ.
މި މަސައްކަތުގެ ޓެންޑެރިން މަސައްކަތް ކުރާނީ އެ ރަށެއްގެ ކައުންސިލަކުންނެވެ. ނަމަވެސް މަސައްކަތް ކުރުމަށްޓަކައި އެންވަޔަރަމަންޓް މިނިސްޓްރީން ކައުންސިލްތަކަށް ޓެކްނިކަލް ލަފާ އަރުވާނެ އެވެ.
ކައުންސިލަރުންގެ މުސާރަ ބޮޑުކުރުމުގެ ވިސްނުމެއް މަޖިލީހުގައި މިވަގުތު ނެތް
ކިޔެވުމުުގެ އަސްލު ބޭނުމަކީ ވިސްނުމާއި ފިކުރު ތަރައްގީކޮށް މުޖުތަމައުއަށް ފައިދާހުރި މީހަކަށްވުން
މެސީއާއި އެމްބާޕޭ، ހާލަންޑް ވިދާލި ތަރިންގެ ރެއެއްގައި އެތައް ރެކޯޑެއް
ފިރިހެނުންގެ ނަފްސާނީ ދުޅަހެޔޮކަން: ހަނުހުރުން ނިމުމަކަށް ގެންނަމާ!
