އައިބީއެމުން ދައުލަތުގެ ބެލުމުގެ ދަށުގައި ތިބި ފަރާތްތަކަށް ތާޒާ ފެން ހަދިޔާކޮށްފި

ދުނިޔޭގެ ފެނުގެ ދުވަސް ފާހަގަކުރުމުގެ ގޮތުން އައިލެންޑް ބެވަރޭޖަސް މޯލްޑިވްސް (އައިބީއެމް) ގެ ފަރާތުން ދައުލަތުގެ ބެލުމުގެ ދަށުގައި ތިބި ކުޑަކުދިންނަށާއި މީހުންނަށް ތާޒާ ފެން ހަދިޔާކޮށްފި އެވެ.

އެކަމަށްޓަކާ ފެން ބިލްޑިންގައި މިއަދު މެންދުރު ބޭއްވި ރަސްމިއްޔާތުގައި ޖެންޑާ މިނިސްޓްރީގެ ފަރާތުން މި ހަދިޔާއާ ހަވާލުވެލެއްވީ ސްޓޭޓް މިނިސްޓަރު ޒިފްލީން ހަސަނެވެ.

މި ރަސްމިއްޔާތުގައި އައިބީއެމްގެ އެމްބެސެޑަރުންނާއި ޖެނެރަލް މެނޭޖަރު އަލީ އާޒިމް، އަދި ޗެއާމަން ހަސަން ޝާހްވެސް ވަނީ ބައިވެރިވެލައްވާފަ އެވެ. މިއަހަރުގެ ދުނިޔޭގެ ފެނުގެ ދުވަހުގެ ޝިއާރަކީ ފެނުގެ އަގު ވަޒަން ކުރުމެވެ.