ހުކުރު ދުވަހު ކުޅުދުއްފުށީގައި ހިނގި އެކްސިޑެންޓުގައި އަނިޔާވި ކުއްޖާ މަރުވެއްޖެ

މިމަހު 12 ވަނަ ދުވަހު ކުޅުދުއްފުށީގައި ސައިކަލަކާއި ޕިކަޕެއް ޖެހި ހިނގި އެކްސިޑެންޓުގައި އަނިޔާވި 17 އަހަރުގެ ކުއްޖާ މަރުވެއްޖެ އެވެ.

މަރުވީ އެވަގުތު ސައިކަލު ދުއްވަން އިން އުމުރުން 17 އަހަރުގެ މުހައްމަދު ޒަޔާން އައްބާސް އެވެ. ކޭއާރުއެޗުން ބުނީ އޭނާ މަރުވީ މިއަދު ފަތިހު 4:50 ގައި ކަމަށެވެ.

ކޭއާރުއެޗުން އޭނާގެ ދެ އޮޕަރޭޝަނެއް ކޮށްފައިވާއިރު ފުރަތަމަ އޮޕަރޭޝަނަށްފަހު އޭނާގެ ހާލު ރަނގަޅުވަމުން އައިސްފައިވެ އެވެ. އެހެންނަމަވެސް އިއްޔެ ހާލު ދެރަވަމުން އިތުރު އޮޕަރޭޝަނެއް ކުރި އެވެ.

8 ގަޑިއިރުގެ އެ އޮޕަރޭޝަނަށްފަހު ފަރުވާދެމުންގޮސްފައިވަނީ އައިސީޔޫގައި ކަމަށް ހޮސްޕިޓަލުން މައުލޫމާތުދެ އެވެ. ޒަޔާންގެ މައްޗަށް ކުރާކަށުނަމާދު އޮންނާނީ މިއަދު މެންދުރު ނަމާދަށްފަހު، ހުކުރު މިސްކިތުގައި އެވެ.