އައިބީއެމްއިން މިފްކޯ މަސްދަޅު ކޭސް ޑެލިވަރީކޮށްދެނީ

އައިލެންޑް ބެވަރޭޖަސް މޯލްޑިވްސް ޕްރައިވެޓް ލިމިޓެޑް (އައިބީއެމް) އާއި މިފްކޯއާއި ދެމެދު ފަސްމީރު މަސްދަޅު ޑެލިވަރީކުރުމުގެ އެއްބަސްވުމެއްގައި ސޮއިކޮށްފި އެވެ.

އައިބީއެމްއިން ބުނި މި އެއްބަސްވުމަކީ މިފްކޯގެ އުފެއްދުންތައް ކަސްޓަމަރުންނާއި ހަމައަށް އިތުބާރާއެކު ހަލުވި ސްޕީޑެއްގައި ގެންގޮސްދިނުމުގެ ގޮތުން ވެވިފައިވާ އެއްބަސްވުމެއްކަމަށެވެ.

އެއްބަސްވުމުގައި އައިބީއެމްގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އިބްރާހިމް އަންވަރެވެ. އަދި މިފްކޯގެ ފަރާތުން ސޮއިކުރެއްވީ އެ ކުންފުނީގެ ސީއީއޯ އިސްމާއިލް ފައުޒީއެވެ. މިފްކޯގެ މަސްދަޅުވެސް އައިބީއެމްގެ ހޮޓްލައިން ނަންބަރު 1619 ގުޅުއްވައިގެން އޯޑަރު ކުރެއްވޭނެ ކަމަށް އައިބީއެމްއިން މައުލޫމާތު ދެއެވެ.

ހިދުމަތް ފެށުމުގެ ގޮތުން އައިބީއެމްއިން ކަސްޓަމަރުންނަށް ފޯރުކޮށްދޭނީ ޗަންކްސް އިން އޮއިލް އަދި ޗަންކްސް އިން ބްރައިން ގެ 2 ޕެކޭޖިންކަމަށްވާ 24 ދަޅުގެ ކޭހާއި 48 ދަޅުގެ ކޭހެވެ.