ރޯދަމަހު ކުކުޅަކީ ބަނދިގެ ތެރޭގައި އާންމު އެއްޗެކެވެ. އެކި ކަހަލަ ރިހައާއި ހިކިކޮށްވެސް އެކި ރެސިޕީތަކަށް ކުކުޅު ހަދައެވެ. އެގޮތުން ޗިކަން ގްރޭވީއަކީ ރޮށި ނުވަތަ ބަތާއެކުވެސް ކާން މީރު ވާނެ ރެސިޕީއެކެވެ.
ބޭނުންވާ ތަކެތި:
- 6 ހިކި މިރުސް
- 10 ކެޝޫ ނަޓް
- 2 ޓޮމާޓޯ (މެދު މިނުގެ)
- ކުޑަ ތެޔޮކޮޅެއް
- 1 ފިޔާ (ކުދިކޮށް ކޮށާފަ)
- 1 ސައިސަމުސާ ލޮނުމެދު ޕޭސްޓް
- 1 ސައިސަމުސާ އިނގުރު ޕޭސްޓް
- ½ ސައިސަމުސާ ރީނދޫ
- 1 ސައިސަމުސާ ތެޅި މިރުސް
- 1 ސައިސަމުސާ ލޮނު
- ½ ސައިސަމުސާ ގަރަމް މަސާލާ
- 500 ގ ކުކުޅު. (ކޮށާފަ. ބޭނުންނަމަ ކުކުޅުފައި ނުވަތަ ކުކުޅު މަސްވެސް ބޭނުން ކުރެވިދާނެ)
ތައްޔާރުކުރާނެ ގޮތް:
ފުރަތަމަ ހިކި މިރުސްކޮޅާ ކެޝޫނަޓްތައް ތަވައެއްގައި ރޯސްޓްކޮށްލާށެވެ. ދެން އެއަށްފަހު ބްލެންޑަރަކަށް އަޅާ ހިމުންކޮށްލާށެވެ. އެއަށްފަހު އޭގެތެރެއިން ކޮށާލާފައި ޓޮމާޓޯކޮޅު އަޅާ އެއްކޮށް ޕޭސްޓަކަށް ވަންދެން ބްލެންޑްކޮށްލާށެވެ. ދެން ތަވައަކަށް ތެޔޮކޮޅުއަޅާ ހޫނުވެލުމުން ފިޔާކޮޅުއަޅާށެވެ. ފިޔާކޮޅު ރަތް ވެލުމުން ލޮނުމެދާއި އިނގުރު ޕޭސްޓް، ރީނދޫ، ތެޅި މިރުސް ކޮޅުއަޅާ އެއްކޮށްލާށެވެ.
އެއަށްފަހު ކުކުޅުކޮޅު އަޅާ 5-6 މިނެޓް ވަންދެން ކައްކާލާށެވެ. ކުކުޅު ކޮޅު ރޯފިލުމުން ލޮނުކޮޅާ ކުރިން ތައްޔާރުކޮށްލި ޕޭސްޓާއި ގަރަމް މަސާލާކޮޅު އަޅާ އެއްކޮށްލާށެވެ. ދެން ކުޑަ ފެންކޮޅެއް އަޅާ މަޑު ގިނީގައި 15 މިނެޓް ވަރު ކައްކާލާށެވެ.
އެކްސިޑެންޓްގައި ސީރިއަސް އަަނިޔާވި މީހާގެ ހާލު ސްޓޭބަލް
ބަޖެޓްގައި ޖަހާފައިވެސް ބަނދަރުގެ މަސައްކަތް ނުފެށުނު، އެކަން ކޮށްދޭން ތަކުރާރުކޮށް އެދެނީ
ދެ ސައިކަލް ޖެހި ނުރައްކާތެރި އެކްސިޑެންޓެއް ހިނގައިފި
އަމިއްލައަށް މަރުވާން އުޅުނު މީހާގެ ހާލު ވަރަށް ދެރަ
