އިންޑިޔާއިން އިއްޔެވެސް ކޮވިޑުގައި ރެކޯޑު އަދަދެއްގެ މަރު

އިންޑިއާ އިން އިއްޔެ ރެކޯޑް އަދަދެއްގެ މީހުން ކޮވިޑް-19 އަށް ފައްސިވެ، ރެކޯޑް އަދަދެއްގެ މީހުން ކޮވިޑް-19 ޖެހިގެން މަރުވެއްޖެއެވެ

އިންޑިއާގައި ކޮވިޑް-19 ގެ ހާލަތު މިހާ ނާޒުކު ފައްތަރެއްގައި އޮތް އިރު އިންޑިޔާއަށް ދިމާވެފައިވާ އެންމެ ބޮޑު އެއް ގޮންޖެހުމަކީ އިންޑިއާގެ ހޮސްޕިޓަލުތަކުން އޮކްސިޖެން ހުސްވުމާއެކު ބަލިމީހުން ބޭތިއްބުމަށް އޮތް ޖާގައިގެ ދަތިކަމެވެ.

އިންޑިއާ ސަރުކާރުން އިއްޔެ އާއްމުކުރި ތަފާސް ހިސާބުތައް ދައްކާ ގޮތުގައި އިންޑިއާ އިން 406,628 މީހުން ކޮވިޑަށް ފައްސިވެ، 3,841 މީހުން ކޮވިޑް ޖެހިގެން މަރުވިއެވެ. މިއީ އިންޑިޔާގެ ތާރީހުގައިވެސް ކޮވިޑް 19ގެ ވަބައިގާ ދެކުން އެންމެ ހިތްދަތި ދުވަހެވެ.

އިންޑިއާ އިން ކޮވިޑަށް ފައްސިވި މީހުންގެ ޖުމްލަ އަދަދު މިހާރު ވަނީ 21 މިލިއަނަށް އަރާފައެވެ. އަދި ކޮވިޑް ޖެހިގެން 230,010 މީހުން މިހާތަނަށް ވަނީ މަރުވެފައެވެ.

ހޮސްޕިޓަލްތައް ފުރުމާއިއެކު އިންޑިޔާގެ މުސްލިމުން ވަނީ ބައެއް މިސްކިތް ތަކުގައި ބަލިމީހުންނަށް ފަރުވާ ދެވޭނެ ގޮތް ހަމަޖައްސައި ދީފައެވެ. ކޮވިޑް-19 ގެ މި ހިތްދަތި ހާލަތުގައި އިންޑިޔާގެ މުސްލިމުން ދަނީ ދުނިޔެއައް އެއްބައިވަންތަ ކަމުގެ ލާމަސީލު ނަމޫނާ ދައްކަމުންނެވެ.