ކޮވިޑްގައި 86 އަހަރުގެ މީހަކު މަރުވެއްޖެ

ކޮވިޑަށް ފަރުވާ ދެމުން ދިޔަ 86 އަހަރުގެ ފިރިހެނަކު މަރުވެއްޖެއެވެ. މި މަރާއެކު ރާއްޖޭން ކޮވިޑް-19 ގައި މަރުވި މީހުންގެ އަދަދު ވަނީ 157 އަރާފައެވެ.

އެމީހާހަށް ފަރުވާދެމުން ދިޔައީ ދަރުމަވަންތަ ހޮސްޕިޓަލުގައެވެ. ރޭ ވެސް 84 އަހަރުގެ ދިވެހި ފިރިހެނަކު މަރުވެފައިވާއިރު އެއީ ހުޅުމާލެ ފެސިލިޓީ ފަރުވާދެމުން ދިޔަ މީހެކެވެ.

ކޮވިޑްގެ 4 ވަނަ ރާޅާއެކު ރާއްޖޭން ކޮވިޑް ޖެހޭ މިހުންގެ އަދަދު ވަނީ އިންތިހާއަށް މައްޗަށް ގޮސްފައެވެ. އެގޮތުން އިއްޔެވެސް އެ ބައްޔަށް 901 މީހަކު ވަނީ ޕޮޒިޓިވްވެފައެވެ. އަދި މި މަސްތެރޭގައި ބަލީގައި މަރުވި މީހުންގެ 80 އަށް ވުރެ މައްޗަށް އަރާފައެވެ.