"ފަލަސްތީނާއެކު ކުޅުދުއްފުށި" ފަންޑު ރައިޒް ހަރަކާތަށް އަފީފުއްދީން ސްކޫލުގެ މުވައްޒަފުންގެ ފަރާތުން ފައިސާ ހަދިޔާކޮށްފި އެވެ.
ކުޅުދުއްފުށީގެ ކުލަބު ޖަމިއްޔާތައް ގުޅިގެން ކުރިއަށްގެންދާ މިހަރަކާތުގައި މިއީ ރަށުގެ މުވައްސަސާއަކުންވި ފުރަތަމަ އެހީ އެވެ. އެ ސްކޫލްގެ މުވައްޒަފުން ވަނީ އެ ފަންޑަށް 15،460.11 ރުފިޔާ ހަދިޔާކޮށްފަ އެވެ.
މިހަރަކާތުގައި ކުޅުދުއްފުށީގެ ބައެއް ފިހާރަތަކުގައި ވަނީ ފަންޑުފޮށިތައްވެސް ބަހައްޓާފަ އެވެ. މިއީ މެއިމަހުގެ ދިހަވަނަ ދުވަހުން ފެށިގެން 11 ދުވަސް ވަންދެން އިޒްރޭލުން ގާޒާއަށް ދިން ޓެރަރިސްޓް ހަމަލާތަކުގައި ނިކަމެތިވި ރައްޔިތުންނަށް އެހީވުމަށް ކުރިއަށްގެންދާ ފަންޑު ރައިޒިންގ ހަރަކާތެވެ.
މި ހަރަކާތް ރާއްޖޭގެ އެކި ކަންކޮޅުތަކުގައި ދަނީ ކުރިއަށްގެންދަމުންނެވެ. މި ހަރަކާތް ކުޅުދުއްފުށީގައިވެސް ކުރިއަށްދާއިރު ރަށުގައި ހުރި އެހެން މުވައްސަސާތަކަށްވެސް ބައިވެރިވުމުގެ ފުރުސަތު އޮތްކަމަށް އިންތިޒާމުކުރާ ފަރާތުން މައުލޫމާތުދެ އެވެ.
އިޒްރޭލުން ގާޒާއަށް ދިން ޓެރަރިސްޓް ހަމަލާތަކުގައި ފަލަސްތީނުގެ 253 މީހުން ޝަހީދުވި އެވެ. އޭގެ ތެރޭގައި 66 ކުޑަކުދިންނާއި 39 އަންހެނުން ހިމެނެ އެވެ. މީގެ އިތުރުން 1948 މީހަކު ޒަޚަމްވި އެވެ.
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
އުރީދުގެ ހާއްސަ އާންމު ޖަލްސާ އަންނަ މަހު ބާއްވަނީ
