ބީއެމްއެލް އިސްލާމިކް ޕާސަނަލް ފައިނޭންސިންއަށް ހެޔޮ ބަދަލުތަކެއް

ބޭންކް އޮފް މޯލްޑިވްސް (ބީއެމްއެލް)ގެ އިސްލާމިކް ޕާސަނަލް ފައިނޭންސިން އަށް އެދި ހުށަހެޅުމުގެ ޝަރުތުތަކަށް ހެޔޮ ބަދަލުތަކެއް ގެނެސްފި އެވެ.

އެގޮތުން އެ ބޭންކުން ލުއި އެކްސްޕްރެސް ލޯނު ނަގާފައިވާ ފަރާތްތަކަށްވެސް ބީއެމްއެލް އިސްލާމިކް ޕާސަނަލް ފައިނޭންސިން އަށް އެދި ހުށަހެޅޭނެ ކަމަށް ބީއެމްއެލް އިން މައުލޫމާތު ދެއެވެ.

އަދި މުސާރައިގެ ފަސް ގުނަ އާއި ހަމަޔަށް ފައިނޭންސިން އަށް ހުށަހެޅޭނެ ކަމަށާއި ހަތް ދުވަސް ތެރޭގައި ކަސްޓަމަރަށް ބޭނުން ވާ މުދާ ލިބޭނެ ކަމަށް އެ ބޭންކުން ބުންޏެވެ.

މި ގެނައި ބަދަލުން ދައްކުވައިދެނީ އެ ބޭންކުން ކަސްޓަމަރުންގެ ބޭނުންތައް ފުރިހަމަ ކުރުމަށް ކެނޑިނޭޅި ކުރަމުން އަންނަ މަސައްކަތް ކަމަށް ބީއެމްއެލްގެ ސީއީއޯ އަދި މެނޭޖިން ޑިރެކްޓަރު ޓިމް ސޯޔާ ވިދާޅުވި އެވެ.

ބީއެމްއެލްގެ ޕާސަނަލް ފައިނޭންސިން އަށް އޮންލައިންކޮށްވެސް ހުށަހެޅޭނެ ކަމަށް އެ ބޭންކުން ވަނީ ބުނެފަ އެވެ. އެ ގޮތުން އިންޓަނެޓް ބޭންކިން ނުވަތަ އެ ބޭންކުގައި ރަޖިސްޓްރީ ކޮށްފައިވާ އީމެއިލް މެދުވެރިކޮށް ވެސް އެކަން ކުރެވޭނެ ކަމަށް ބުންޏެވެ.