ހަނިމާދޫއިން ބިދޭސީންތަކެއް ޕޮޒިޓިވްވެ، މަސައްކަތް ކުރުން ހުއްޓުވުއިިފި

ހދ ހަނިމާދޫގައި މަސައްކަތްކުރާ 8 ބިދޭސީއަކު ކޮވިޑް-19 އަށް ޕޮޒިޓިވްވެ އެމީހުން މަސައްކަތްކުރާ ސައިޓް ފިޔަވާ އިތުރު ސައިޓުތަކުގައި މަސައްކަތް ކުރުން މަނާކޮށްފި އެވެ.

އެރަށު ކައުންސިލް އިދާރާއިން ނެރުނު އިއުލާނެއްގައި ބުނެފައިވަނީ އިތުރަށް ބަލަންޖެހޭ ކަންކަން ބެލުމަށްފަހު އެ ކައުންސިލުން ވަކިގޮތެއް އަންގަންދެން ބިދޭސީ މަސައްކަތްތެރިން އެމީހުން ގާއިމްވެތިބޭ ތަންތަން ފިޔަވާ އެހެން ސައިޓްތަކުގައި މަސައްކަތް ކުރުން މަނާކަމަށެވެ.

މީގެ އިތުރުން ރައްޔިތުން ޒަރޫރީ ބޭނުންތަކަށް ނުކުތުމަށް ކައުންސިލް އިދާރާއިން ދޫކޮށްފައި ފާހުގައި ހިމަނާފައިވާ ކަންތައްތައް ފިޔަވާއެހެން އެއްވެސް ބޭނުމަކަށް ނުކުތުމަކީވެސް މަނާކަމެއް ކަމަށާއި، އަދި ފާހުގައި ހިމަނާފައިވާ ކަންކަމުގެ އިތުރުން އެހެން ބޭނުމެއްގައި ނުކުންނަން ޖެހިއްޖެނަމަ އެ އިދާރާއިން ހުއްދަ ހޯދުމަށްވެސް އިއުލާނުގައި އެދިފައި ވެއެވެ.

އެންގުންތަކާއި ހިލާފުވާ މީހުންނާއިމެދު ގާނޫނީގޮތުން އަޅަންޖެހޭ ފިޔަވަޅުތައް އަޅާނެކަމަށްވެސް އިއުލާނުގައި ބުނެފައި ވެއެވެ.