ޖަލާލުއްދީން ސްކޫލުގެ ސާނަވީ އަދި މަތީ ސާނަވީ ދަރިވަރުންގެ ދަސްވެނިވުން ބާއްވައިފި އެވެ. މިއަދު ހެނދުނު އެ ސްކޫލް ހޯލުގައި ބޭއްވި މި ރަސްމިއްޔާތު ޝަރަފުވެރިކޮށްދެއްވީ ކުޅުދުއްފުށީ ސިޓީ މޭޔަރު މުހައްމަދު އާތިފެވެ.
މި ރަސްމިއްޔާތުގައި އެ ސްކޫލުގެ ސާނަވީ ނިންމާ ފާސްވި 44 ދަރިވަރުން ދަސްވެނިވެފައިވާއިރު މަތީ ސާނަވީ ނިންމާ ފާސްވި 27 ދަރިވަރުން ވަނީ ދަސްވެނިވެފަ އެވެ.
ސާނަވީ ނިންމި ދަރިވަރުންނަށް ސެޓްފިކެޓް އަދި ސޭޝް ހަވާލުކޮށްދެއްވީ ކުޅުދުއްފުށީ ސިޓީ ކައުންސިލްގެ ޑެޕިއުޓީ މޭޔަރު އަލީ އަހުމަދެވެ. އަދި މަތީ ސާނަވީ ނިންމި ދަރިވަރުންނަށް ސެޓްފިކެޓް ހަވާލުކޮށްދެއްވި މޭޔަރު މުހައްމަދު އާތިފެވެ.
މި ރަސްމިއްޔާތު ޝަރަފުވެރިކޮށްދެއްވާ ދަރިވަރުންނާއި މުހާތަބުކޮށް މޭޔަރު ދެއްކެވި ވާހަކާގައި ވިދާޅުވީ ކުއްޖާގެ ސިކުނޑީ ކާނާއަކީ ތައުލީމު ކަމަށާއި ހެދިބޮޑުވުމަށް ތައުލީމަކީ ވަރަށް މުހިއްމު އެއްޗެއް ކަމަށެވެ.
އެ ކުއްޖަކު ނަގާނެ ކެރިއަރެއް، އެކުއްޖެއްގެ ކުރި މަގު ބައްޓަން ކުރާނެގޮތެއް އެނގޭނީ އެކުއްޖަކަށް ކަމަށާއި އެންމެ މުހިއްމު ކަމަކީ ކުރާ ކޮންމެ ކަމެއްވެސް ކުރާ ހިތުން ކުރާކަމަކަށްވުންކަމަށް އާތިފް ވިދާޅުވި އެވެ.
ރަސްމިއްޔާތުގައި ސްކޫލްގެ ޕްރިންސިޕަލް އައިމިނަތު މުހައްމަދު ވަނީ ސްކޫލް ނިމުނު ކަމުގައި ވިއަސް ކިޔެވުމައިގެން ކުރިއަށް ދިއުމަށާއި ތައުލީމް ހާސިލް ކުރުމަށް ލިބޭ ކޮންމެ ފުރުސަތެއްގެ ބޭނުން ހިފުމަށް ދަރިވަރުންނަށް ނަސޭހަތްތެރި ވެފައެވެ.
މި ރަސްމިއްޔާތުގައި ބެލެނިވެރިންނާއި ދަރިވަރުން އަދި ސްކޫލުގެ މުވައްޒަފުން ބައިވެރިވެލެއްވި އެވެ.
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
