ޕީއެސްޖީއާ އަލަށް ގުޅުނު އަޝްރަފް ހަކީމީ ކޮވިޑްް-19 އަށް ޕޮސިޓިވްވެ ޕްރީ ސީޒަނުގެ މެޗުތައް ގެއްލިއްޖެ

ޕީއެސްޖީއާ އަލަށް ގުޅުނު އަޝްރަފް ހަކީމީ ކޮވިޑް-19 އަށް ޕޮސިޓިވްވެ ޕްރީ ސީޒަނުގެ މެޗުތައް އޭނާއަށް ގެއްލިއްޖެ އެވެ.

ޖުލައި 6 ވަނަ ދުވަހު ޕީއެސްޖީއާ ގުޅުނު 22 އަހަރުގެ އަޝްރަފް ހަކީމީ އަށް ހޮނިހިރު ދުވަހު ކުޅެވުނު މެޗުގައިވެސް ބައިވެރި ނުވެވުނެވެ. އެފްސީ ޗެމްބްލީއާ ދެކޮޅަށް ކުޅެވުނު އެމެޗު 2 - 2 ން އެއްވަރުވެގެން ނިމުނުއިރު ޕީއެސްޖީގެ ލަނޑުތައް އެޓީމަށް ޖަހައިދިނީ މައުރޯ އިކާޑީ އާއި ޒަވީ ސިމޮންސް އެވެ.

ލަ އިކުއިޕޭ އިން ރިޕޯޓްކޮށްފައިވާ ގޮތުން ހަކީމީ އަށް ދިހަ ދުވަހުގެ ސެލްފް އައިސޮލޭސަން އަކަށް ދާން ޖެހޭނެ އެވެ.