ކުޅުދުއްފުށި ސިޓީން އިތުރު 4 މީހަކު މިއަދު ކޮވިޑް-19 ޕޮޒިޓިވްވެ ޖުމްލަ އަދަދު 24 އަށް އަރައިފި އެވެ. ކޭއާރުއެޗުން ބުނީ މިއަދު ޕޮޒިޓިވްވެފައިވަނީ ކުރިން ޕޮޒިޓިވްވެފައިވާ ފަރާތްތަކުގެ ކޮންޓެކްޓުންގެ ގޮތުގައި ފާހަގަކުރެވިފައިވާ 4 ފަރާތެކަމަށެވެ.
ކޭސްތަކުގެ އަދަދު މަތި ވަމުން ދާއިރު، ހުރިހާ ރައްޔިތުން ރައްކާތެރިކަމުގެ ފިޔަވަޅުތަކާއެކު އުޅުމަށް އެ ހޮސްޕިޓަލުން ވަނީ އިލްތިމާސް ކޮށްފަ އެވެ. އެގޮތުން މާސްކު އެޅުމާއި، ގިނަގިނައިން ސައިބޯނި ލައިގެން އަތް ދޮވުމާއި، ދިމާވާ ފަރާތްތައް ނުވަތަ "ކޮންޓެޓްކް ބަބްލް" ކުޑަ ކުރުމަށް މަސައްކަތް ކުރުމަށްވަނީ އެދިފަ އެވެ.
މިމަހުގެ 24 ވަނަ ދުވަހު ކޭއާރުއެޗުގެ ފުލޫ އޯޕީޑީއަށް ދެއްކި ކުއްޖަކު ކޮވިޑަށް ޕޮޒިޓިވްވެގެން ނެގި ގިނަ ސާމްޕަލްތަކުގެ އިތުރުން ފުލޫ އޯޕީޑީގެ އިތުރު ސާމްޕަލުތަކެއްވެސް ވަނީ ޕޮޒިޓިވްވެފައި އެވެ.
ޖުމްލަ 24 މީހުންނަށް މިހާތަނަށް ބަލި ޖެހުނުއިރު ކުޅުދުއްފުށީގައި މިހާރުވަނީ ކޮމިއުނިޓީ ސްޕްރެޑެއްކަމަށް ކޭއާރުއެޗުންވަނީ ބުނެފަ އެވެ.
މި ކޭސްތަކާ ގުޅިގެން ކުޅުދުއްފުށި ބަންދުކޮށް ރޭގަނޑު 9:00 - ފަތިހު 4:00 ދަނީ ކާފިއު ހިންގަމުންނެވެ. ޗުއްޓީ ދުވަސްވަރުކަމުން ގިނަ ބަޔަކު އަންނަނީ އެރަށްރަށުން އަނެއް ރަށަށް ދަތުރުކުރަމުންނެވެ.
އުރީދޫން ޓެމޫގެ 100 ޑޮލަރުގެ ޑިސްކައުންޓް ބަންޑަލްއެއް ދެނީ
ނުކުޅެދުންތެރިކަން ހުންނަ ފަރާތްތަކަށް ފަންނީ ހުނަރު ޕްރޮގްރާމެއް
އޮންލައިންކޮށް ފިޠުރު ޒަކާތް ދައްކަން ޚާއްސަ ޕޯޓަލްއެއް ތައާރަފްކޮށްފި
ޖަޕާނުން ރާއްޖެއަށް ސީއެމްބިއުލާންސެއް ހަދިޔާކޮށްފި
