ދެވަނަ ކުއާޓާގައި ފައިދާގެ ގޮތުގައި ދިރާއަށް 195 މިލިއަން ރުފިޔާ

މިއަހަރުގެ ދެވަނަ ކުއާޓަރުގައި ދިރާގަށް ސާފު ފައިދާގެ ގޮތުގައި 195.8 މިލިއަން ރުފިޔާ ލިބިއްޖެ އެވެ. ޓެކުހަށް ކެނޑުމުގެ ކުރިން ދެވަނަ ކުއާޓަރުގައި ދިރާގަށް ފައިދާގެ ގޮތުގައި ލިބިފައިވަނީ 230.6 މިލިއަން ރުފިޔާ އެވެ.

ދިރާގުގެ މާލީހިސާބުތަކުން ދައްކާ ގޮތުގައި މިއީ މިއަހަރުގެ ފުރަތަމަ ކުއާޓަރުގެ ފައިދާއާ އަޅާބަލާއިރު 11 ޕަސެންޓް ދަށް އަދަދެކެވެ. ނަމަވެސް މިދިޔަ އަހަރުގެ ދެވަނަ ކުއާޓަރާ އަޅާބަލާއިރު 51 ޕަސެންޓް އިތުރު އަދަދެކެވެ.

މި ކުއާޓަރުގައި ދިރާގަށް ޖުމްލަ އާމްދަނީގެ ގޮތުގައި ލިބުނީ 617 މިލިއަން ރުފިޔާ އެވެ.

މިއީ ފުރަތަމަ ކުއާޓަރާ އަޅާބަލާއިރު ހަ ޕަސެންޓް ދަށް ނަމަވެސް، މިދިޔަ އަހަރުގެ ދެވަނަ ކުއާޓަރާ އަޅާބަލާއިރު 13 ޕަސެންޓް އިތުރު އަދަދެކެވެ.