މަންދު ކޮލެޖު ސެޕްޓެމްބަރު އިންޓޭކްގެ ކޯސްތަކަށް ކުރިމަތިލުމަށް ހުޅުވާލައިފި

މަންދު ކޮލެޖުން ސެޕްޓެމްބަރު 2021 އިންޓޭކްގެ ކޯސްތަކަށް ކުރިމަތިލުމަށް ހުޅުވާލައިފި އެވެ.

މަންދު ކޮލެޖުން ބުނީ އެކޮލެޖުގެ މި ފަހަރުގެ އިންޓޭކްގައި ޖުމުލަ 37 ކޯހަށް ސެޓްފިކެޓް ލެވަލް 3 އިން ފެށިގެން މާސްޓާސް އަށް ކިޔެވުމުގެ ފުރުސަތު ހުޅުވާލެވިފައިވާ ކަމަށެވެ.

ކޯސްތައް ޖުމްލަ ގޮތެއްގައި އަމާޒު ކުރެވިފައިވާނީ ބިޒްނަސް އެޑްމިނިސްޓްރޭޝަން އަދި މެނޭޖްމަންޓު، ޓޫރިޒަމް އެންޑް ހޮސްޕިޓާލިޓީ، ޓީޗިން – ޕްރައިމަރީ، މިޑްލް ސްކޫލު އަދި ސެކަންޑަރީ އާއި އިންފޮމޭޝަން ޓެކްނޮލޮޖީ އަދި ކޮމްޕިޔުޓަރ ސައިންސްގެ އިތުރުން ފަބްލިކް އެޑްމިނިސްޓްރޭޝަނާއި ސްޕެޝަލް ނީޑްސް އެޑިޔުކޭޝަން، ހިއުމަން ރިސޯސަސް އަދި އެކައުންޓިންގް އެންޑް ފައިނޭންސާއި އެޑިޔުކޭޝަނަލް ލައިބްރޭރިއަންޝިޕަށެވެ.

މަންދު ކޮލެޖުން ބުނިގޮތުގައި އެކޮލެޖުން ހިންގާ ހުރިހާ ޕްރޮގުރާމްތަކަކީ ވެސް އެމް. ކިއު. އޭ ގަބޫލުކުރާ ކޯސްތަކެކެވެ. އަދި ސަރުކާރުގެ ހިލޭ ޑިގްރީ ޕްރޮގުރާމުގެ ދަށުން މަންދު ކޮލެޖުގެ ޑިގްރީ ޕްރޮގްރާމްތަކަށް އެޕްލައިކޮށްގެން ވެސް ކިޔެވުން ކުރިއަށް ގެންދެވޭން ކަމަށް އެކޮލޖުން ބުނެފައިވެ އެވެ.

މި ކޯސްތަކަށް އެޕްލައިކުރެވޭނީ ކޮލެޖުގެ ވެބުސައިޓް mv.edu.mandhucollege.www މެދުވެރިކޮށެވެ. އަދި ސެޕްޓެމްބަރު އިންޓޭކާ ބެހޭ އިތުރު މައުލޫމާތު ހޯދުމަށް 9750055 ނަންބަރަށް ގުޅުއްވުމަށް އެ ކޮލެޖުން އިރުޝާދުދެ އެވެ.

މަންދު ކޮލެޖަކީ މެދުކެނޑުމެއްނެތި 20 އަހަރު ވަންދެން ކަނޑުހުރަސްކޮށް ތައުލީމު ސީދާ ރަށަށް ފޯރުކޮށްދީ ރާއްޖޭގެ ފުރަތަމަ އަމިއްލަ

ވާޗުއަލް ކެމްޕަހެއް ބޭނުންކޮށްގެން ކާމިޔާބުކަމާއެކު ހިދުމަތް ފޯރުކޮށްދެމުން އަންނަ ހަމައެކަނި ކޮލެޖެވެ.