އުރީދޫ އަތޮޅުދުވުމުގައި، އަތޮޅުތައް ތަމްސީލު ކުރަން އެމްބެސަޑަރުން ހަމަޖައްސައިފި

ރާއްޖޭގައި އެންމެ ފުޅާ ދާއިރާއެއްގައި މުއާސަލާތީ ހިދުމަތްދޭ ކުންފުނި ކަމުގައިވާ އުރީދޫމޯލްޑިވްސްއިން އަތޮޅުތެރޭގައި އިންތިޒާމު ކޮށްގެން ބާއްވާ އުރީދޫ އަތޮޅުދުވުމުގައި ކޮންމެ ތަމްސީލު ކުރަން ކޮންމެ އަތޮޅަކުން އެމްބެސަޑަރަކު ހަމަޖައްސާފިއެވެ.

ވާޗުއަލްކޮށް ބާއްވާ މި ދުވުމުގެ އެމްބެސަޑަރު ހަމަޖައްސާ އެކަން އުރީދޫން އަންގާފައިވަނީ މި މަހު 1 ވަނަ ދުވަހު މީސް މީޑިއާ މެދުވެރިކޮށެވެ.

ހިދުމަތް ދިނުމުގައި މިހާރު 16 އަހަރު ފުރިފައިވާ އުރީދޫގެ އަތޮޅު ދުވުމުގައި، މި އަހަރު ވެސް ފަސް ކިލޯ މީޓަރުގެ ކެޓެގަރީ ހިމެނޭއިރު މުޅިން އަލަށް މިއަހަރު ވަނީ 10 ކިލޯ މީޓަރުގެ ކެޓެގަރީ ވެސް ތައާރަފްކޮށްފައެވެ.

މި ދެ ކެޓަގަރީގައި ވެސް ބައިވެރިވާން ބޭނުންވާ ދުވުންތެރިން ވަކިން ރެޖިސްޓްރީކޮށް ޖުމްލަ 15 ކިލޯމީޓަރު ފުރިހަމަކުރަން ޖެހޭނެ ކަމަށް އުރީދޫން ބުނެއެވެ.

އުރީދޫގެ އަތޮޅުދުވުން ހުޅުވާލައިފައިވަނީ ފަސް އަހަރުން މަތީގެ މީހުންނަށެވެ. މި ހިނގާ އޯގަސްޓު މަހުގެ އެކަކުން 7 ކާއި ދޭތެރޭ ކޮންމެ ވަގުތެއްގައިވެސް މި ދުވުން ފުރިހަމަ ކުރެވޭނެއެވެ.

އުރީދޫ އަތޮޅުދުވުމުގެ އެމްބެސްޑަރުންގެ ގޮތުގައި ހަމަޖައްސާފައިވާ ފަރާތްތަކަކީ

Excited to announce #OoredooAtholhuDhuvun Ambassadors. 🤩

Give it up to Rameez, Madheen, Ihuma and Maldha from Alif Alif, Baa, Dhaalu and Faafu Atoll. #OoredooDhivehinnaiEku16 pic.twitter.com/15YRYlsKwn

— Ooredoo Maldives (@OoredooMaldives) August 1, 2021

އުރީދޫ އަތޮޅުދުވުމުގައި ބައިވެރިވާން ރެޖިސްޓްރީވުން ވަނީ މިދިޔަ ހޮނިހިރު ދުވަހަށް ހަމަވެފައެވެ.