ލައިންސެންސް އިމްތިހާންގެ މުއްދަތު ޓްރާންސްޕޯޓް އޮތޯރިޓީން އިތުރު ކޮށްފި އެވެ. ޓްރާންސްޕޯޓް މިނިސްޓްރީން ވަނީ ލައިންސެންސް ނެގުމަށްޓަކައި ތިއަރީ އިމްތިހާން ހަދާފައިވާ މީހުންނަށް އެމީހުންގެ އިމްތިހާނުގެ ނަތީޖާ ބޭނުން ކުރެވޭނެ މުއްދަތު އިތުރުކޮށްދީފަ އެވެ.
ޓްރާންސްޕޯޓް އޮތޯރިޓީން އިއްޔެ ނެރުނު ބަޔާނުގައިވާ ގޮތުން ކޮވިޑް-19 ގެ ހާލަތާ ގުޅިގެން ލޮކްޑައުން ކުރުމުގެ ސަބަބުން ގިނަ މީހުންނަށް ތިއަރީ ޓެސްޓް ހެދުމުގެ ފުރުސަތު ލިބިފައިނުވާ ކަމަށެވެ.
ނިމިދިޔަ ޖުލައި މަހުގެ 15 ވަނަ ދުވަހުން ފެށިގެން ޓްރާންސްޕޯޓް އޮތޯރިޓީން އަމަލު ކުރަމުން އަންނަ އެއްގަމު އުޅަނދުފަހަރު ދުއްވުމުގެ ލައިސަންސް ދޫކުރުމާބެހޭ ގަވާއިދުގެ ދަށުން ލައިސެންސް ނެގުމަށް ހަދާ އިމްތިހާނުގެ މުއްދަތު ވަނީ އިތުރު ކޮށްފައިވާއިރު އެގޮތުން ތިއަރީ އިމްތިހާން ހަދާ ނިމޭތާ ހަ މަސްދުވަހުގެ ތެރޭގައި ލައިސަންސް ނަގަން ޖެހޭނެ ކަމަށްވެސް އެގަވާއިދުގައި ބުނެފައިވެ އެވެ.
އެއޮތޯރިޓީން ހާމަކުރާ ގޮތުގައި އެ ގަވާއިދު ގެޒެޓް ކުރުމުގެ ކުރިން އިމްތިހާނު ހަދާފައިވާ މީހުންނަށް އަންނަ އަހަރުގެ ޖެނުއަރީމަހުގެ 15 ވަނަ ދުވަހުގެ ނިޔަލަށް ތިއަރީ އިމްތިހާނުގެ ނަތީޖާ ބޭނުން ކޮށްގެން ލައިސެންސް ނެގޭނެ އެވެ.
ކުޅުދުއްފުށީގައި އުޅޭ ޒުވާން ޚަޠީބުންނާ އިސްލާމިކް މިނިސްޓަރު ބައްދަލުކުރައްވައިފި
ޕީއެންސީގެ ފަރާތުން ކުޅުދުއްފުށީގެ ގޮނޑިތަކަށް ވާދަކުރާ ކެންޑިޑޭޓުންގެ ކެމްޕެއި ން ފަށައިފި
އަމާޒަކީ ރާއްޖޭގެ ކޮމާޝަލް ކެޕިޓަލުގެ ގޮތުގައި ކުޅުދުއްފުށީ ތަރައްގީކުރުން: އިބުރާހިމް
2400 ހައުސިންގ ޔުނިޓްގެ އަމަލީ މަސައްކަތް ފަށަން އަނެއްކާވެސް އާ ތާރީހެއް
