ލައިފްޖެކްޓް ބެހެއްޓުމަށް ތިންމަހުގެ މުހުލަތެއް، ހަމަނުކޮށްފިނަމަ ލައިސަންސް ބާތިލްކުރާނެ
ކަނޑު ދަތުރުކުރާ އުޅަނދުތަކުގައި ލައިފް ޖެކެޓު ކުރިއަށް އޮތް 3 މަސް ދުވަހުގެ ތެރޭގައި ނުބަހައްޓައިފިނަމަ އެފަދަ އުޅަނދުތަކުގެ ލައިސަންސް ބާތިލްކުރާނެކަމަށް ޓްރާންސްޕޯޓް އޮތޯރިޓީން ބުނެފި އެވެ.
ޓްރާންސްޕޯޓް އޮތޯރިޓީން މިއަދު ކުރި އިއުލާނުގައިވަނީ ލައިފް ޖެކެޓު ބެހެެއްޓުމުގެ އިތުރުން ކަނޑު ދަތުރުކުރާ އުޅަނދުތަކުގައި ގިނަ ކަންތައްތަކެއް ފުރިހަމަ ކުރުމަށް ތިން މަސް ދުވަހުގެ މުހުލަތެއް ވަނީ ދީފައިވާ ކަމަށެވެ. އަދި އެމުހުލަތުގައި ލައިފް ޖެކްޓް ހަމަނުކޮށްފިނަމަ ލައިސަންސް ބާތިލްކުރާނެކަމަށް އެއޮތޯރިޓީން ބުނެ އެވެ.
މިކަންކަން ފުރިހަމަ ކުރުމުގެ އެންމެ ފަހު ތާރީހަކީ އަންނަ އަހަރުގެ ޖެނުއަރީ މަހުގެ 16 ވަނަ ދުވަހުގެ ނިޔަލަށެވެ. މިގޮތަށް އަންގާފައިވަނީ މިދުވަސްކޮޅު ރާއްޖެއަށް މޫސުން ގޯސްވުމުގެ ސަބަބުންނެވެ. އަދި ދިމާވެފައިވާ އެކިއެކި ކަނޑު މަތީގެ ހާދިސާތަކާވެސް ގުޅިގެންނެވެ.
ވޭތުވެދިޔަ ދުވަސްތަކުގައި ކަނޑުމަތީގައި ހިތްދަތި އެތައް ހާދިސާތަކެއް ވަނީ ހިނގާފަ އެވެ. އެގޮތުން މިދިޔަ ހޮނިހިރު ދުވަހު މާލެ އިން ފުރައިގެން ދަތުރުކުރި ލޯންޗެއް އޮޅުވެލި ރިސޯޓް ކައިރިން ދިޔަވެ އަޑިއަށްގޮސް އެކަކު މަރުވެ، ހަތަރު އަހަރުގެ ކުޑަކުއްޖަކު ވަނީ ގެއްލިފަ އެވެ.
ވިލާކޮލެޖު ކުޅުދުއްފުށީ ކެމްޕަހުގައި ސެޓްފިކެޓް 3 އިން އިލެކްޓްރިކަލް އިންސްޓޮލޭޝަން އެންޑް މެއިންޓަނެންސް ކިޔެވުމުގެ ފުރުސަތު
ގާނޫނީ ބަދަލާއެކު ތެލާއި ގޭހުގެ ބިން ކުއްޔަށް ނުދެވި ކުޅުދުއްފުއްޓަށް ބޮޑު ގެއްލުމެއް
ބީއެމްއެލް ބިޒްނަސް ސެންޓަރު ބިމަށް ފިނޭންސުން ހުއްދަދީފި
ކުޅުދުއްފުށީ ލޯކަލް އޮތޯރިޓީ ކުންފުނީގެ މެނޭޖިންގ ޑިރެކްޓަރުގެ މަގާމަށް ހުޅުވާލައިފި
