ސްޓްރޯކް ސެންޓަރުން މިދިޔަ އަހަރެއްހާ ދުވަސްތެރޭގެ 626 މީހަކަށް ފަރުވާ ދީފައިވޭ: އައިޖީއެމްއެޗް

އައިޖީއެމްއެޗްގައި ހުޅުވާފައިވާ ސްޓްރޯކް ސެންޓަރުން މިދިޔަ އަހަރެއްހާ ދުވަސްތެރޭ 626 މީހަކަށް ފަރުވާ ދީފައިވާ ކަމަށް އެ ހޮސްޕިޓަލުން ބުނެފި އެވެ.

އެ ހޮސްޕިޓަލުން ބުނީ ސްޓްރޯކް ސެންޓަރަކީ އެ ބަލި ޖެހިގެން ގެންނަ ބަލިމީހުންނަށް ލިބެންޖެހޭ ހިދުމަތްތައް ވީހާވެސް އަވަހަށް ފޯރިކޮށް ދިނުމަށް ހާއްސަކޮށްފައިވާ ސެންޓަރެއް ކަމަށެވެ.

އެ ހޮސްޕިޓަލުން ނެރެފައިވާ ބަޔާނެއްގައި ބުނެފައިވަނީ އައިޖީއެމްއެޗް ހޮސްޕިޓަލްގައި ހުޅުވާފައިވާ ސްޓްރޯކް ސެންޓަރުން އޮކްޓޫބަރު 17، 2020ން އޮކްޓޫބަރު، 25 2021ގެ ނިޔަލަށް 291 މީހަކަށް ފަރުވާދީފައިވާ ކަމަށެވެ. އަދި ސެޕްޓެންބަރު 27، 2020 ފެށިގެން މިހާތަނަށް 626 މީހަކަށް ސްޓްރޯކް ކްލިނިކުން ހިދުމަތް ދީފައިވާ ކަމަށެވެ.

އެ ސެންޓަރުން ހިދުމަތް ދިފައިވާ ބަލިމީހުންގެ ތެރެއިން އެންމެ ގިނަ މީހުން ފަރުވާ ހޯދާފައި ވަނީ ސިކުނޑިއަށް ޖެހޭ ސްޓްރޯކްގެ ބާވަތެއް ކަމަށްވާ އިސްކީމިކް ސްޓްރޯކަށެވެ.

އެގޮތުން 210 މީހަކަށް ވަނީ އިސްކީމިކް ސްޓްރޯކް ޖެހިގެން ފަރުވާ ދީފައެވެ. ދެވަނައަށް އެންމެ ގިނަ އަދަދަކަށް މީހުން ފަރުވާ ހޯދާފައިވަނީ ވެސް ހަމަ ސިކުނޑިއަށް ޖެހޭ ހެމޮރެޖިކް ނަމަކަށް ކިޔާ ސްޓްރޯކްގެ ބާވަތަކަށެވެ. މިބާވަތުގެ ސްޓްރޯކް ޖެހިގެން ގުމްލަ 44 މީހަކު ވަނީ ފަރުވާ ހޯދާފައެވެ.

އަކީ ދުނިޔޭގެ ސްޓްރޯކް ބަލީގެ ދުވަހެވެ. އައިޖީއެމްއެޗް ހޮސްޕިޓަލުން ދުނިޔޭގެ ސްޓްރޯކް ބަލީގެ ދުވަސް ފާހަކަ ކުރުމުގެ ގޮތުން ބައްޔާމެދު މީހުން ހޭލުންތެރިކުރުމަށް ހާއްސަ ހަރަކާތްތަކެއް ބާއްވަން ވަނީ ހަމަޖެހިފައެވެ.