އޮޑިޓްކުރުން ހަރުދަނާ ކުރުމަށް ދެ ގަވައިދެއް ނެރެފި

އޮޑިޓް ކުރުމުގެ މަރުހަލާތައް ހަރުދަނާ ކުރަން އޮޑިޓް އޮފީހުން މިއަދު ދެ ގަވައިދެއް ނެރެފި އެވެ.

މިއަދު ނެރުނު ދެ ގަވައިދަކީ "ރެގިއުލޭޝަން އޮން އޮޑިޓް އެންޑް އެކައުންޓެބިލިޓީ އޮފް އެސްއޯއީސް" އަދި "ރެގިއުލޭޝަން އޮފް ޕަބްލިކް އިންޓްރަސްޓް އެންޓިޓީ އޮޑިޓާސް" އެވެ.

އޮޑިޓު އޮފީހުގައި މިއަދު ބޭއްވި ރަސްމިއްޔާތެއްގައި އެ ދެ ގަވައިދު ނެރެ ދެއްވީ ފިނޭންސް މިނިސްޓަރު އިބްރާހިމް އަމީރު އެވެ. ފިނޭންސް މިނިސްޓްރީން ބުނީ އެ ދެ ގަވައިދަކީ ސަރުކާރު ކުންފުނިތައް އޮޑިޓް ކުރުމަށް މިހާރު ގެންގުޅޭ އުސޫލުތައް ހަރުދަނާކޮށް ތަފްސީލީ މައުލޫމާތު ހިމެނޭ ގޮތަށް ތައްޔާރު ކޮށްފައިވާ ދެ ގަވައިދު ކަމަށެވެ.

އަދި އޭގެ ސަބަބުން ކުންފުނިތަކުގެ ހިންގުން ހަރުދަނާ ކުރުމަށް މަގު ފަހިވެގެން ދާނެ ކަމަށެވެ. އެ ދެ ގަވައިދު ސަރުކާރުގައު ގެޒެޓުގައި ޝާއިއު ކުރާނެ އެވެ.