މޫސުމަށް އަންނަ ބަދަލުތަކަށް ރާއްޖެ ހޭނުވުމަށާއި، އެކަންކަމުން ލިބޭ ގެއްލުން ކުޑަކުރުމަށް ރާއްޖެއިން ކުރަމުން އަންނަ މަސައްކަތްތަކަށް އެއްބާރުލުހުން ދިނުމަށް ދަ ގްލޯބަލް ސެންޓާ އޮން އެޑެޕްޓޭޝަން (ޖީސީއޭ) އާއި ރާއްޖެއާ ދެމެދު އެއްބަސްވުމެއްގައި ސޮއިކޮށްފި އެވެ.
An MoU signed between @MoEnvmv & @GCAdaptation to provide a framework for collaboration with GCA and Maldives to mobilize USD 200 million through multiple projects to support the adaptation priorities and support our climate leadership in the context of the @TheCVF & @V20Group pic.twitter.com/Rteam1Ry5D
— Min. of Environment, Climate Change and Technology (@MoEnvmv) November 10, 2021
މި އެއްބަސްވުމުގައި ސޮއިކުރީ އިނގިރޭސިވިލާތުގެ ގްލާސްގޯގައި މިހާރު ކުރިއަށްދާ، މޫސުމަށް އަންނަ ބަދަލުތަކާ ގުޅޭ ބައިނަލްއަގުވާމީ ކޮންފަރެންސް ކަމަށްވާ ކޮޕް26ގެ ހަވާސާގަ އެވެ. ރާއްޖޭގެ ފަރާތުން އެންވަޔަރްމަންޓް މިނިސްޓަރު އާމިނަތު ޝައުނާ ސޮއިކުރެއްވި އިރު، ޖީސީއޭ ތަމްސީލުކުރެއްވީ އެ އިދާރާގެ ސީއީއޯ ޕެޓްރިކް ވާކޫއިޖެން އެވެ..
އެންވަޔަރަމެންޓް މިނިސްޓްރީ އިން ބުނީ މި އެއްބަސްވުމުގެ ދަށުން މޫސުމަށް އަންނަ ބަދަލުތަކަށް ރާއްޖެ ހޭނުވުމަށް 200 މިލިއަން ޑޮލަރުގެ މަޝްރޫއުތަކެއް އެކުލަވައިލުމަށް ޖީސީއީ މެދުވެރިކޮށް ފައިސާ ހޯދައިގެން ހިންގުމަށް ރާވާފައިވާ ކަމަށެވެ.
ރާއްޖޭގެ ފަރާތުން ޕެރިސް އެގްރިމެންޓްގައި ހުށަހަޅާފައިނާ ނޭޝަނަލީ ޑިޓާމިންޑް ކޮންޓްރިބިއުޝަން (އެންޑީސީ) ގައި ހިމެނޭ އެޑެޕްޓޭޝަން ލަނޑުދަނޑިތައް ހާސިލުކުރުމާއި، ކްލައިމެޓް ވަލްނަރަބަލް ފޯރަމް އަދި ވީ20 މެދުވެރިކޮށް ރާއްޖެއިން ކުރާ މަސައްކަތްތަކަށް މި އެއްބަސްވުމުގެ ދަށުން އެހީ ހޯދާނެ ކަމަށް މިނިސްޓްރީން ވަނީ ބުނެފަ އެވެ.
މޫސުމަށް އަންނަ ބަދަލުތަކުގެ ސަބަބުން ދަނޑުވެރިކަމަށާއި، ފެނުގެ ވަސީލަތްތަކަށާއި، ރާއްޖޭގެ ރަށްރަށަށް ކުރާނެ ނޭދޭ އަސަރުތައް ކުޑަކުރުމައި، އަދި މި ކަންކަމަށް ބޭނުންވާ މާލީ އެހީ ހޯދުމަށް ޖީސީއޭ އިން ރާއްޖެއަށް އެހީތެރިކަން ފޯރުކޮށްދޭނެ އެވެ.
ޖީސީއޭ އަކީ މޫސުމަށް އަންނަ ބަދަލުތަކަށް ދުނިޔޭގެ ގައުމުތައް ހޭނުވުމަށް 2018 ވަނަ އަހަރު ނެދަލޭންޑްސްގެ ރޮޓާޑޭމްގައި އުފައްދާފައިވާ ބައިނަލްއަގްވާމީ ޖަމާއަތެކެވެ.
