ޓޮޕް އެޗީވާޒް އެވޯޑް ދިނުން އަންނަ ބުރާސްފަތި ދުވަހު

ސާނަވީ އިމްތިހާންތަކުން އެންމެ ރަނގަޅު ނަތީޖާ ހޯދާ ދަރިވަރުންނަށް ކޮންމެ އަހަރަކު ދޭ ޓޮޕް އެޗީވާޒް އެވޯޑް އަންނަ ބުރާސްފަތި ދުވަހު ދޭން ނިންމައިފި އެވެ. މި ރަސްމިއްޔާތު ބޭއްވުމަށް ހަމަޖެހިފަ ވަނީ އަމީނިޔާ ސްކޫލުގަ އެވެ.

ޓޮޕް އެޗީވާޒްގެ ގަދަ ދިހައެއްގައި ކޮންމެ އަހަރަކުވެސް ރާއްޖޭގެ އެކި ސަރަހައްދުތަކުގެ ގިނަ ސްކޫލުތަކުން އެތައް ސަތޭކަ ދަރިވަރުންނެއް ހިމެނެއެވެ. "ޓޮޕް އެޗީވާސް" ޖަލްސާއަކީ އޭލެވެލް ގަދަ 10ގައި ހިމެނުނު ދަރިވަރުންނަށް ދޭ އެވޯޑެކެވެ.

ކޮވިޑްގެ ބަލިމަޑުކަމާ ގުޅިގެން މި ޖަލްސާ މިދިޔަ އަހަރު ނުބާއްވައެވެ.

ގިނަ ދަރިވަރުން ޓޮޕް ޓެންގައި ހިމެނޭތީ ހަމައެކަނި އެއްވަނަ ދެވަނަ އަދި ތިން ވަނަ އަށް ސްޓޭޖްމަތީ އެވޯޑު ދޭން ވެސް ނިންމި އެވެ. ނަމަވެސް ފާޑުކިޔުންތަކާ ގުޅިގެން ކުރީގެ އުސޫލަށް ފަހުން ބަދަލުކުރި އެވެ.