އޮޑިޓަރ ޖެނެރަލްގެ އުތުރު ސަރަހައްދީ އޮފީހަށް މެނޭޖަރެއް ހޯދަނީ

ކުޅުދުއްފުށީ ސިޓީގައި ހުންނަ އޮޑިޓަރ ޖެނެރަލްގެ އުތުރު ސަރަހައްދީ އޮފީހަށް މެނޭޖަރެއް ހޯދަން އިއުލާންކޮށްފި އެވެ.

މިދިޔަ ސެޕްޓެމްބަރު މަހު 6 ވަނަ ދުވަހު ކުޅުދުއްފުށީގައި ހުޅުވި އެ އޮފީހަށް ހޯދާ މޭނޭޖަރުގެ އަސާސީ މުސާރައަކީ އެގާރަހާސް ފަސްސަތޭކަ ރުފިޔާއެވެ. އޭގެ އިތުރުން ސަރވިސް އެލަވަންސްގެ ގޮތުގައި ދުވާލަކަށް ދުއިސައްތަ ފަސްދޮޅަސް ތިންރުފިޔާ ތިރީސް ތިންލާރިގެ އިތުރުން ލިވިންގ އެލަވަންސްގެ ގޮތުގައި ތިންހާސް ރުފިޔާ އަދި އޮޑިޓް އެލަވަންސްގެ ގޮތުގައި ދެހާސް ރުފިޔާ ލިބޭނެ އެވެ.

އަދި އޭގެ އިތުރުން ޕްރޮފެޝަނަލް އެލަވަންސްގެ ގޮތުގައި މާސްޓާސް ޑިގްރީ ހާސިލްކޮށްފައިވާނަމަ ދެ ހާސް ރުފިޔާ، ޑިގްރީ ހާސިލްކޮށްފައިވާނަމަ އެއް ހާސް ރުފިޔާ ލިބޭނެ އެވެ.

މަގާމުގެ ޝަރުތަކީ މަސައްކަތުގެ ދާއިރާއިން މާސްޓާސް ޑިގްރީ ހާސިލްކޮށްފައިވުމާއެކު އޮޑިޓް އެންޑް އެޝުއަރެންސްގެ ދާއިރާއިން 3 އަހަރު ދުވަހުގެ ތަޖުރިބާ ލިބިފައިވުން، ނުވަތަ މަސައްކަތުގެ ދާއިރާއިން ޑިގްރީ ހާސިލްކޮށްފައިވުމާއެކު އޮޑިޓް އެންޑް އެޝުއަރެންސްގެ ދާއިރާއިން 5 އަހަރު ދުވަހުގެ ތަޖުރިބާ ލިބިފައިވުން، އަދި މީގެ އިތުރުން އިންޓަރވިއުގައި މި މަސައްކަތަށް ގާބިލްމީހެއްކަން ސާބިތުކޮށްދިނުމެވެ.

އަދި މާލީ ފައިދާއެއް ލިބޭ މަސައްކަތެއް ކުރަމުންގެންދާނަމަ، ވަޒީފާހަމަޖެހުމަށްފަހު، މިއޮފީހުގެ މުވައްޒަފުން ސުލޫކީގޮތުން ޢަމަލުކުރަންޖެހޭ އުސޫލުގެ ދަށުން ނަގަންޖެހޭ ހުއްދަ ނަގައިގެންމެނުވީ އެމަސައްކަތެއް ނުކުރުމަށް އެއްބަސްވާ ފަރާތެއް ކަމުގައިވުން؛ ދައުލަތުގެ އެއްވެސް ކުންފުންޏެއްގައި އިސްކޮށް ޙަރަކާތްތެރިނުވުން، އަދި އެފަދަ ކުންފުންޏެއްގެ ބޯޑެއްގެ ޑިރެކްޓަރެއް ކަމުގައި ނުވުމުގެ އިތުރުން ސަރުކާރު ހިއްސާވާ އެއްވެސް ކުންފުންޏެއްގެ މެޖޯރިޓީ ޝެއަރހޯލްޑަރެއް ކަމުގައި ނުވުން އަދި މިއޮފީހުގެ އެއްވެސް މުވައްޒަފަކާ ޢާއިލީގޮތުން ގާތްގުޅުމެއް ހުރި މީހަކު ކަމުގައި ނުވުމެވެ.

މަގާމުގެ މައިގަނޑު މަސްއޫލިއްޔަތަކީ

މި މަގާމަށް ޝައުގުވެރިވާ ފަރާތްތަކުން އެޕްލިކޭޝަން ފޮނުއްވާނީ މިމަހުގެ 25 ވަނަދުވަހުގެ 12:00 ގެ ކުރިން ހަމައެކަނި އެ އޮފީހުގެ އޮންލައިން ޖޮބް ޕޯޓަލް އިންނެވެ. މި ޕޯޓަލްގެ ލިންކަކީ https://www.audit.gov.mv/vacancies މިއެވެ.

އޮޑިޓަރ ޖެނެރަލްގެ އޮފީހުގެ އުތުރު ސަރަހައްދީ އޮފީސް ކުޅުދުއްފުށީ ސިޓީގައި ހުޅުވީ މިދިޔަ ސެޕްޓެމްބަރު މަހުގެ 6 ވަނަ ދުވަހު އެވެ. އެކަމަށްޓަކާ ބޭއްވި ހާއްސަ ރަސްމިއްޔާތެއްގައި އެ އޮފީސް ހުޅުއްވާދެއްވީ ކުޅުދުއްފުށީ އުތުރު ދާއިރާގެ މެމްބަރު ޔާސިރު އަބުދުލް ލަތީފެވެ.