މިހާރުގެ ތަފާސް ހިސާބުތަކަށް ބަލާއިރު މިއަހަރު ނިމޭއިރު ބެޑްނައިޓްސް 11 މިލިއަނަށްވުރެ އިތުރުވާނެ ކަމަށް ޓޫރިޒަމް މިނިސްޓްރީން ލަފާކޮށްފިއެވެ.
ޓޫރިޒަމް މިނިސްޓްރީގެ އެންމެ ފަހުގެ ތަފާސް ހިސާބުތައް ދައްކާގޮތުން މިމަހުގެ 15ވަނަ ދުވަހުގެ ނިޔަލަށް ރާއްޖެއަށްވަނީ 1.2 މިލިއަން ފަތުރުވެރިން ޒިޔާރަތްކޮށްފައެވެ. މިއީ މިދިޔަ އަހަރާއި އަޅާ ބަލާއިރު 148 އިންސައްތަ އިތުރު އަދަދެެކެވެ.
މިމަހުގެ 15ވަނަ ދުވަހު ރާއްޖޭގެ ޓޫރިސްޓު ބެޑްނައިޓްސްވަނީ 10.7 މިލިއަން ހުރަސްކޮށްފައެވެ. މިއީ ރެކޯޑު އަދަދެކެވެ. އަދި މިއީ ސަރުކާރުން މިއަހަރަށް ކަނޑައެޅި 10 މިލިއަން ބެޑް ނައިޓްސްގެ އަމާޒެވެ.
ރާއްޖެއަށް މިހާރު އެވްރެޖްކޮށް ކޮންމެ ދުވަހަކު 4967 ފަތުރުވެރިން އާދެއެވެ. އަދި އަހަރުގެ ބާކީ އޮތް ދުވަސްތަކުގައި މިއަދަދަށް ރާއްޖެއަށް ފަތުރުވެރިން އަންނަމުންދާ ނަމަ އަހަރު ނިމޭއިރު ރާއްޖެއަށް ޖުމްލަ 1.3 މިލިއަން ފަތުރުވެރިން އަންނާނެ ކަަމަށް ލަފާކުރެއެވެ.
ތަފާސް ހިސާބުތައް ދައްކާގޮތުން ފަތުރުވެރިކަމުގެ 912 ފެސިލިޓީއަކުން 52848 އެނދުވަނީ ފަތުރުވެރިކަމަށް ނެރެފައެވެ. މީގެތެރޭގައި ހިމެނެނީ ރިސޯޓުތަކުގެ 38،182 އެނދާއި، ހޮޓާ އަދި ގެސްޓު ހައުސްތަކުގެ 11،850 އެނދުގެ އިތުރުން ސަފާރީތަކުން ފަތުރުވެރިކަމަށް ނެރެފައިވާ 2816 އެނދެވެ.
އެއްބެގެ ގޮނޑި ދިފާއުކޮށްފި، ޕީއެންސީއަށް ލިބުނު ހަމައެކަނި ގޮނޑިއަކީ މިއީ!
ކުޅުދުއްފުށީގެ ތަރައްގީއަށް ކުރެވޭ ކޮންމެ ކަމެއްގައި އެއްބާރުލުމާއި އެހީތެރިކަން ލިބޭނެ
ކުޅުދުއްފުށީ އަންހެނުން ކޮމެޓީގެ އެއްވެސް ގޮނޑިއެއް ޕީއެންސީއަކަށް ނުލިބުނު
ކުޅުދުއްފުށީގެ އަންހެން ދެ ގޮނޑިވެސް ނެގީ އެމްޑީޕީން
