އޭސީސީގެ މެންބަރުކަމަށް ކުރިމަތިލާން ހުޅުވައިލައިފި

އެންޓި ކޮރަޕްޝަން ކޮމިޝަން (އޭސީސީ)ގެ މެންބަރުކަމަށް ކުރިމަތިލުމުގެ ފުރުސަތު ހުޅުވާލައިފިއެވެ.

ރައީސް އޮފީހުން މިއަދު ކުރި އިއުލާނުގައިވާ ގޮތުގައި އޭސީސީގެ މެންބަރުކަމަށް ކުރިމަތިލުމުގެ ފުރުސަތު ހުޅުވައިލައިފައި ވަނީ މިއަދުން ފެށިގެން މި މަހުގެ 30ވަނަ ދުވަހުގެ މެންދުރު 12:30ގެ ކުރިންނެވެ.

ރައީސް އޮފީހުން މިމަގާމަށް ހުޅުވައިލައިފައި މިވަނީ އެ ކޮމިޝަންގެ މެންބަރެއްގެ ގޮތުގައި ހުންނެވި އިބްރާހިމް ޝަކީލް އިސްތިއުފާ ދެއްވުމާ ގުޅިގެންނެވެ. އެމަނިކުފާނު އިސްތިއުފާ ދެއްވީ މިމަހުގެ 16 ވަނަ ދުވަހުއެވެ.

އޭސީސީގެ މެންބަރު ކަމަށް ކުރިމަތިލާން އެދޭ ފޯމާއި، އިގުރާރު އަދި ކުށުގެ ރިކޯޑު ފޯމު ދޫކުރުމާއި ބަލައިގަތުމަށް ހަމަޖެހިފައި ވަނީ މިހިނގާ ޑިސެމްބަރު މަހުގެ 29އާއި 30ވަނަ ދުވަހުގެ ހެނދުނު 9:30އިން 12:30އަށް ކަމަށް ވެސް އިއުލާނުގައި ވިދާޅުވެފައިވެއެވެ.