ނަޝީދުގެ ފަރާތުން ކުޅުދުއްފުށީގެ 3 ސުކޫލަށް ޞަޙީޙު މުސްލިމްގެ ދިވެހި ތަރުޖަމާ ހަދިޔާކޮށްފި

ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދުގެ ފަރާތުން ކުޅުދުއްފުށީގެ 3 ސުކޫލަށް “ޞަޙީޙު މުސްލިމްގެ ދިވެހި ތަރުޖަމާއާއި ޝަރަޙަ” ހަދިޔާކޮށްފި އެވެ.

ނަޝީދު އެ ސްކޫލްތަކަށް ހަދިޔާކޮށްފައިވަނީ ޞަޙީޙު މުސްލިމްގެ ދިވެހި ތަރުޖަމާއާއި ޝަރަޙަ ގެ ދިހަވަނަ އަދި އެގާރަވަނަބައެވެ.

މި 2 ފޮތް ރައީސް މުހައްމަދު ނަޝީދުގެ ފަރާތުން ޖަލާލުއްދީން ސްކޫލް، ހދ އަތޮޅު ތަޢުލީމީ މަރުކަޒު އަދި އަފީފުއްދީން ސްކޫލާ މިއަދު ހަވާލުކޮށްދެއްވީ ކުޅުދުއްފުށި ސިޓީގެ މޭޔަރ، މުޙައްމަދު ޢާޠިފެވެ.

"ޞަޙީޙް މުސްލިމްގެ ދިވެހި ތަރުޖަމާ އާއި ޝަރަހަ ފޮތް" އެކުލަވާލާފައިވަނީ އިމާމު މުސްލިމްގެ ޞަޙީޙް މުސްލިމް އަސްލަކަށް ބަލައިގެންނެވެ.