ޝެއިހް ހަސީނާ ރާއްޖެ ވަޑައިގެންފި

މުޙައްމަދު އަހުމަދު

Dec 22, 2021

ބަންގްލަދޭޝްގެ ބޮޑުވަޒީރު ޝައިހް ހަސީނާ ރާއްޖެ ވަޑައިގެންފި އެވެ. ޝައިހް ހަސީނާ ރާއްޖެ ވަޑައިގަތުމުން ވެލާނާ އިންޓަނޭޝަނަލް އެއާޕޯޓުން ފޮރިން މިނިސްޓްރީގެ ސްޓޭޓް މިނިސްޓަރު އަހްމަދު ހަލީލް ވަނީ އެކަމަނާއަށް މަރުހަބާ ދަންނަވާފަ އެވެ.

މާދަމާ މަޖިލީހުގައި އެކަމަނާ ތަގުރީރު ކުރައްވަން ހަމަޖެހިފައިވާއިރު މާދަމާ ރަސްމީކޮށް އެކަމަނާއަށް މަރުހަބާ ދެންނެވުމަށް ޖުމްހޫރީ މައިދާނުގައި ހާއްސަ ރަސްމިއްޔާތެއް ވެސް އޮންނާނެ އެވެ.

މިދަތުރުފުޅުގައި އެއްގަމުގައި ދުއްވާ އަސްކަރީ 13 އުޅަނދު ރާއްޖޭއަށް ހަދިޔާކުރަން ނިންމަވާ ރަމްޒީ ލިޔުން ދިވެހި ސަރުކާރާ ހަވާލުކުރައްވާއިރު ރާއްޖެއިން އެދިފައިވާ 200 މިލިއަން ޑޮލަރުގެ ލޯނުގެ އެއްބަސްވުމުގައި ސޮއިކުރުމަށް ވެސް ހަމަޖެހިފައިވެ އެވެ.

މިދަތުރުފުޅާއެކު އަޅަން ނިންމާފައިވާ ސަލާމަތީ ފިޔަވަޅުތަކާ ގުޅިގެން ހުޅުލޭގެ ފަޅުތެރެއާއި ހުޅުލެއާއި މާލޭގެ ބައެއް މަގުތަކާއި އަދި ބްރިޖް ވަކި ވަގުތަކަށް ބަންދުކުރަން ނިންމާފައިވެ އެވެ.

މިލިޔުމާއި ގުޅޭ