ހިލޭ ޓްރާންސްފާއެއްގައި އޮބާމަޔަން ބާސާއަށް ސޮއިކޮށްފި

އާސެނަލުން ޕިއޭ އެމެރިކް އޮބާމަޔަންގެ ކޮންޓްރެކްޓް އުވާލުމާއެކު ހިލޭ ޓްރާންސްފާއެއްގެ ދަށުން އޭނާ ސްޕެއިންގެ ގަދަބާރު ބާސެލޯނާ އަށް ސޮއިކޮށްފި އެވެ.

އާސެނަލުން އޮބާމަޔަންގެ ކޮންޓްރެކްޓްގައި ބާކީ 18 މަސް ދުވަސް ބާކީ އޮއްވާ އެއެއްބަސްވުން އުވާލަން ނިންމުމާއެކު އޮބާމަޔަން ވަނީ ހިލޭ ޓްރާންސްފާއެއްގައި ހޯމަދުވަހުގެ ރޭ ބާސެލޯނާ އަށް ސޮއިކޮށްފަ އެވެ.

އޮބާމަޔަން އާސެނަލާ ގުޅުނީ ބޮރޫޝިއާ ޑޯޓްމަންޑަށް ކުޅުމަށްފަހު 2018 ވަނަ އަހަރު އެވެ. އޮބާމަޔަން އާސެނަލާ ގުޅުނީ 64 މިލިއަން ޑޮލަރުގެ ޓްރާންސްފާ ފީ އަކަށެވެ. އާސެނަލުގައި އޭނާ ކުޅުނު 163 މެޗުން 92 ގޯލު ކާމިޔާބުކުރި އެވެ.

އޮބާމަޔަން، ޓްރާންސްފާގެ ފަހު ދުވަހު އާސެނަލް ދޫކޮށްލުމުން އެ ޓީމުން ސީޒަންގެ ފަހު ބަޔާ ކުރިމަތިލާން ޖެހިފައި މިވަނީ ދެ ސީނިއާ ސްޓްރައިކަރުންނާއެކު އެވެ. އެއީ ލަކަޒެޓާއި އެންކެޓިއޭ އެވެ.