ރޯދަމަހު ސަރުކާރު އޮފީސްތައް ހުޅުވާނީ 9 ޖަހާއިރު

ރަމަޟާން މަހު ސަރުކާރުގެ އޮފީސްތައް ފަށާނީ 9:00ގައި ކަމަށް ރައީސް އިބްރާހީމް މުހައްމަދު ސާލިހު ކަނޑައަޅުއްވައިފިއެވެ.

ރައީސް އޮފީހުން މިއަދު ބުނީ އަންނަ ރަމަޟާން މަހު ސަރުކާރުގެ ރަސްމީ ގަޑިއަކީ ހެނދުނު 9:00 އިން މެންދުރު 13:00އަށް ކަމަށެވެ.

މީގެ އިތުރުން ޝައްވާލް މަހުގެ ފުރަތަމަ ހަފްތާގައިވެސް އޮފީސްތައް ހުޅުވާނީ މި ގަޑިތަކުގައި ކަމަށް ރައީސް އޮފީހުން ވަނީ ނިންމާފައެވެ.

ކަލަންޑަރުން ދައްކާ ގޮތުގައި، މި އަހަރުގެ ރަމަޟާން މަހުގެ ފުރަތަމަ ދުވަހަކީ އަންނަ މަހުގެ ދެވަނަ ދުވަހެވެ. ފިޠުރު ޢީދު ދުވަހަކީ މެއި މަހުގެ ދެވަނަ ދުވަސް ކަމަށް ކަލަންޑަރުން ދައްކައެވެ.