ފުޑް އެންޑް ބެވަރޭޖް ޝޯގެ ޑިޖިޓަލް ޕާޓްނަރަކަށް ދިރާގު

ހައިރައިޒް އިން އިންތިޒާމުކޮށްގެން ބާއްވާ ފުޑް އެންޑް ބެވަރޭޖް ޝޯގެ ޑިޖިޓަލް ޕާޓްނަރަކަށް ދިރާގު ހަމަޖައްސައިފިއެވެ.

މީގެ ކުރިން މި ޝޯގެ ހަތަރު އެޑިޝަނެއް ވަނީ ބާއްވާފަައެވެ. މިއީ އަހަރަކު އެއްފަހަރު ބާއްވަމުން އައި ޝޯއެކެވެ. ނަމަވެސް، ކޮވިޑުގެ ހާލަތާ ގުޅިގެން، ފާއިތުވި ދެ އަހަރު، އެ ޝޯ ބޭއްވޭ ގޮތް ވަނީ ނުވެފައެވެ.

ހައިރައިޒުން ބުނީ މިފަހަރުގެ ޝޯގައި ވެސް ރާއްޖެއާއި، ރާއްޖެއިން ބޭރުގެ ފަރާތްތަކުން ބައިވެރިވާނެ ކަމަށެވެ. އެގޮތުން، ރިސޯޓު، ހޮޓާ، ގެސްޓްހައުސްތަކާއި ސަފާރީތަކުގެ އިތުރުން، ކާބޯތަކެތީގެ ޚިދުމަތް ދިނުމުގައި ބައިވެރިވާ އެކި ފަރާތްތަކުން ބައިވެރިވާނެ ކަމަށް އެ ކުންފުނިން ބުނެއެވެ.

މިއަހަރުގެ ޖޫން މަހުގެ ދެއަކުން ހަތަރަކަށް ކުރިއަށްދާ މި ހަރަކާތް ބޭއްވުމަށް ހަމަޖެހިފައިވަނީ ހުޅުމާލޭ ސެންޓްރަލް ޕާކުގައެވެ.