ގެއްލިގެން ހޯދަމުން ދިޔަ ތުއްތު ކުއްޖަކު މޫދުގައި ނިޔާވެފައި އޮއްވާ ފެނިއްޖެ

ނަބީލާ އިސްމާޢީލް

Apr 25, 2022

ށ. ކަނޑިތީމުގައި ގެއްލިގެން ހޯދަމުން ދިޔަ އުމުރުން އެއް އަހަރުގެ ތުއްތު ކުއްޖަކު މޫދުގައި ނިޔާވެފައި އޮއްވާ ފެނިއްޖެ އެވެ.

ޕޮލިހުން ބުނީ އެރަށުގައި ކުއްޖަކު ގެއްލިގެން ހޯދަމުންދާ ކަމުގެ މައުލޫމާތު ފުލުހުންނާ ހިއްސާކޮށްފައި ވަނީ އާންމު ފަރާތަކުން ކަމަށެވެ. އެ ފަރާތުން އެކަން ފުލުހުންނާއި ހިއްސާކޮށްފައި ވަނީ މިއަދު 18:30 ހާއިރު ކަމަށް އެ އިދާރާއިން މައުލޫމާތު ދެއްވައެވެ.

ގެއްލިގެން ހޯދަމުން ދިޔަ ތުއްތު ކުއްޖާ ފެނިފައި ވަނީ މޫދުގައި އޮއްވައެވެ. އެ ކުއްޖާ މޫދުން ނަގައިގެން ސިއްހީ މަރުކަޒަށް ގެންދިޔަ އިރުވެސް ނިޔާވެފައިވާކަމަށް ސިއްހީ މަރުކަޒުން ފުލުހުންނަށް މައުލޫމާތު ދެއްވި ކަމަށް ފުލުހުން ވިދާޅުވެއެވެ.

އެރަށު ކައުންސިލުން ބައެއް ނޫސްތަކަށް މައުލޫމާތު ދިން ގޮތުގައި ތުއްތު ކުއްޖާ ދިރިއުޅޭ ގެ ހުންނާނީ އަތިރިއާ ވަރަށް ކައިރީގަ ކަމަށާއި ކުޑަ ކުއްޖަކަށް ވެސް ހިނގާފައި ދެވޭހާ ކައިރި ކަމަށެވެ. އަދި ކުއްޖާ ގެއްލިގެން އުޅޭތާ ވިއްސަކަށް މިނެޓު ފަހުން ހޯދައިގެން ވަގުތުން ހޮސްޕިޓަލަށް ގެންދިޔަ،ކަމަށެވެ.

އެ މައްސަލަ އާ ގުޅިގެން ބަލަން ޖެހޭ ކަންކަން ބަލަމުން އަންނަ ކަމަށް ފުލުހުން ބުންޏެވެ.

މިލިޔުމާއި ގުޅޭ