ހަލުވި ކަމާއި އެކީ ފެތުރެމުން އަންނަ މަންކީޕޮކްސް 11 ގައުމަކުން ފެނިއްޖެ ކަމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ބުނެފި އެވެ.
11 ގައުމުން 80 އަށްވުރެ ގިނަ ކޭސް ފެނިފައިވާއިރު ބައްޔަށް ތުހުމަތު ކުރެވޭ އިތުރު 50 މީހަކު އުޅޭ ކަމަށް އެޖަމްއިއްޔާއިން ވަނީ ބުނެފައެވެ. ނަމަވެސް އެއީ ކޮން ގައުމުތަކަކުން ކަމެއް އެޖަމްއިއްޔާއިން ހާމަ ކޮށްފައެއް ނުވެއެވެ.
މިހާތަނަށް ވައިރަހަކުން ޖެހޭ މިބަލި ފެނިފައި ވަނީ އިޓަލީ، ސްވިޑަން، ސްޕޭން، ޕޯޗުގަލް، އެމެރިކާ، ކެނެޑާ އަދި އިނގިރޭސި ވިލާތުންނެވެ.
މިބައްޔަކީ އުތުރު އަދި މެދު އެފްރިކާގެ މެދުގެ ސަރަހައްދުގައި އާންމު ބައްޔެކެވެ.
މިބަލި ހީކުރި ވަރަށްވުރެ ހަލުވި ކަމާއި އެކީ ފެތުރެމުން އަންނާތީ ސިއްހަތު ޖަމްއިއްޔާއިން ވަނީ ކުއްލި ބައްދަލުވުމެއް ބޭއްވުމަށް ނިންމާފައެވެ.
މަދުން ނޫނީ ނުފެންނަ މި ބައްޔަކީ އެހާ ނުރައްކާތެރި ބައްޔެއް ނޫން ކަމަށާއި ބަލި ޖެހޭ މީހުން ހަފްތާއެއްހާ ދުވަސް ތެރޭ ރަނގަޅުވާ ކަމަށް އިނގިރޭިސިވިލާތުގެ ގައުމީ ސިއްހަތާއި ބެހޭ އިދާރާއިން ވަނީ ބުނެފައެވެ.
މަންކީޕޮކްސް އަކީ ވައިރަސްއެއްގެ ޒަރިއްޔާއިން ފެތުރޭ ބައްޔެއް ކަމުން މިހާތަނަށް މި ބައްޔަށް ފަރުވާ ކުރުމަށް ބޭހެއް ނުވަތަ ވެކްސިނެއް އުފެއްދިފައެއް ނުވެއެވެ.
އިނގިރޭސި ވިލާތުން މަންކީޕޮކްސްގެ ފުރަތަމަ ކޭސް ރިޕޯޓްކޮށްފައި ވަނީ މި މަހު 7 ވަނަ ދުވަހު އެވެ.
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
އީސީއާއި އޭސީސީގެ ރައީސުން އައްޔަންކުރުމުގެ ބާރު ރައީސަށް ދޭން ފާސްކޮށްފި
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
