ދިރާގު އެޕްރެންޓިސްޝިޕް ޕްރޮގްރާމަށް ކުރިމަތިލުމަށް ހުޅުވާލައިފި

ދިރާގު އެޕްރެންޓިސްޝިޕް ޕޮރޮގްރާމަށް ކުރިމަތިލުމަށް ހުޅުވާލައިފިއެވެ. އެ ޕްރޮގްރާމަށް އިއުލާނުކުރީ އިއްޔެ ދިރާގު ހެޑް އޮފީހުގައި ބޭއްވި ހާއްސަ ރަސްމިއްޔަތެއްގައެވެ.

ދިރާގުން ބުނީ މި ޕްރޮގްރާމްގެ މަގުސަދަކީ ތައުލީމީ ޕްރޮގްރާމެއްގެ ތެރެއިން ޒުވާނުން ބިނާކޮށް ވިޔަފާރީގެ ދާއިރާގައި މަސައްކަތްކުރުމުގެ ގާބިލުކަން ހުރި ޒުވާނުން ބިނާކުރުންކަމަށެވެ.

މި ޕްރޮގްރާމްގެ ދަށުން ހުރިހާ ދާއިރާއަކުން ވެސް ތަމްރީނު ފޯރުކޮށްދެއެވެ. އެގޮތުން ފައިނޭންސް، މާކެޓިން، އެޑްމިނިސްޓްރޭޝަން ހިމެނެއެވެ. ދިރާގުގެ އޮޕަރޭޝަން ސެންޓަރުތައް ހުންނަ ކޮންމެ ރަށެއްގައި ވެސް މި ޕްރޮގްރާމް ކުރިއަށްގެންދަން ވަނީ ހަމަޖެހިފައެވެ. އެއީ ފުވައްމުލަކު، ކުޅުދުއްފުށި އަދި އޭދަފުއްޓެވެ.

މި ޕްރޮގަރާމްގައި 18 އަހަރާއި 30 އަހަރާ ދެމެދުގެ ކޮންމެ މީހަކަށް ވެސް ބައިވެރިވެވޭނެއެވެ. އެޕްރެންޓިސްޝިޕް ޕްރޮގްރާމްގައި ބައިވެރިވާން ބޭނުންވާ މީހުންނަށް ޚާއްސަކޮށް ދިރާގު ހެޑް އޮފީހުގައި ވޯލްކް އިން އިންޓަވިއުއެއް ކުރިއަށް ގެންދާނެއެވެ. އެ އިންޓަވިއު ކުރިއަށްގެންދަން ހަމަޖެހިފައިވަނީ މިމަހުގެ ނުވަ ވަނަ ދުވަހުގެ މެންދުރުފަހު 2:00 އިން ހަވީރު 4:00 އަށެވެ. އިންޓަވިއުއަށް ހާޒިރުވާއިރު ސީވީއާއި އިތުރު ތައުލީމީ ޑޮކިއުމެންޓްތައް ގެންދަންޖެހެއެވެ.