އުދައަރާ، ގެންލުން ލިބުނު ފަރާތްތަކަށް ސަރުކާރުން އެހީވާނެ: ޖޭޕީ

ރާއްޖޭގެ ރަށްރަށަށް މިދިޔަ ހުކުރު ދުވަހުން ފެށިގެން އުދައަރާ ގެންލުން ލިބެމުން އަންނަ ފަރާތްތަކަށް ކަމާބެހޭ ފަރާތްތަކުން އަވަސްގޮތެއްގައި އެހީތެރިކަން ފޯރުކޮށްދެމުން ގެންދާނެ ކަމުގެ ޔަގީންކަން އެބައޮތް ކަމަށް ޖުމްހޫރީ ޕާޓީން ބުނެފިއެވެ.

މި ވިއްސާރަ އާ އުދައިގެ ސަބަބުން ގޯތިގެދޮރަށާއި ދަނޑުބިންތަކާއި މުދަލަށް ލިބެމުންދާ ގެއްލުންތަކާއި، އުދައެރި ވަގުތު ފެންފުށިން ޒުވާނަކު ނިޔާވެ ހިނގި ހިތާމަވެރި ހާދިސާއާއި ގުޅިގެން ޖޭޕީން ނެރުނު ބަޔާނެއްގައި ބުނެފައި ވަނީ، މިކާރިސާއާއި ގުޅިގެން ގެއްލުން ލިބުނު ފަރާތްތަކަށް އަވަސްގޮތެއްގައި ކަމާއި ބެހޭ ފަރާތްތަކުން އެހީތެރިކަން ފޯރުކޮށްދެމުން ގެންދާނެ ކަމަށެވެ.

އަދި މިވަގުތަކީ ހުރިހާ ފަރާތަކުންވެސް އެއްބައިވަންތަކަމާއެކު، ގެއްލުން ލިބުނު ފަރާތްތަކުގެ ހާލު އަހުވާލު ބަލައި ކަމާއިބެހޭފަރާތްތަކުން ކުރަމުންގެންދާ ކަންކަމަށް ހިތްވަރުދީ، އެންމެން ގުޅިގެން މަސައްކަތް ކުރަންވީ ވަގުތު ކަމުގައި ހެދުމަށް އެ ޕާޓީން ވަނީ ގޮވާލާފައެވެ.

އަދި މޫސުމީ އިދާރާތަކާއި ކަމާއި ބެހޭ އެންމެހާ މުވައްސަސާތަކުން އަންގާ އެންގުންތަކާއި އިލްތިމާސްތަކަށް ބޯލަނބައި ދަތުރުފަތުރުގެ ހުރިހާ އިންތިޒާމްތައް ހަމަޖެއްސުމަކީ ވަރަށް މުހިންމު ކަމެއްކަށް އެ ބަޔާނުގައި ވަނީ ބުނެފައެވެ.