ދިރާގު ޓީވީ އަދި ފައިބާ ބްރޯޑްބޭންޑް ހިލޭ ގުޅައިދޭ ޕްރޮމޯޝަނެއް

ދިރާގު ޓީވީ އަދި ފައިބާ ބްރޯޑްބޭންޑްގެ ޚިދުމަތަށް އަލަށް އެދި ހުށަހަޅާ ފަރާތްތަކަށް އެ ޚިދުމަތްތައް ހިލޭ ގުޅައިދޭ ޕްރޮމޯޝަނެއް ފަށައިފިއެވެ.

މި މަހުގެ ނިޔަލަށް ކުރިއަށްދާ މި ޕްރޮމޯޝަނުގެ ދަށުން ފައިބާ ބްރޯޑްބޭންޑުގެ ހިދުމަތަށް އެދޭ ފަރާތްތަކަށް ރައުޓަރުން 50 އިންސައްތައިގެ ޑިސްކައުންޓެއް ލިބޭނެއެވެ.

މީގެ އިތުރުން ދިރާގު ޓީވީއަށް އެންމެ ފުރަތަމަ ހުށަހަޅާ 300 ކަސްޓަމަރުންނަށް ހިލޭ ވަޔަލެސް ކީބޯޑެއް ލިބޭނެއެވެ. އަދި، ސެޕްޓެމްބަރުގެ ނިޔަލަށް ހުރިހާ ޗެނަލެއް އެންމެ 350 ރުފިޔާއަށް ބަލައިލުމުގެ ފުރުސަތު ލިބޭނެއެވެ.

ރާއްޖޭގެ އެންމެ ބޮޑު ފައިބާ ބްރޯޑްބޭންޑް ނެޓްވޯކް ކަމަށްވާ ދިރާގުގެ ފައިބާ ބްރޯޑްބޭންޑްގެ ޚިދުމަތް މިހާރު 78 ރަށެއްގައި ދެމުން އެބަދެއެވެ. އެއާއެކު ރާއްޖޭގެ ގޭބީސީތަކުގެ 82 ޕަސެންޓަށް އެ ޚިދުމަތް ބޭނުންކުރެއެވެ.

ދިރާގު ޓީވީއަކީ ވެސް ރާއްޖޭގައި އެންމެ ފުޅާ ދާއިރާއެއްގައި ހިދުމަތްދޭ އައިޕީޓީވީ ހިދުމަތެކެވެ. ކޮލިޓީ އަދި އަގުގައި ތަފާތެއް ނެތި އެ ހިދުމަތް ވެސް 82 ޕަސެންޓު ގޭބީސީއަށް ދިރާގުން ފޯރުކޮށްދެއެވެ.