ބޯކޮށް ވާރޭ ވެހޭނެކަމަށް ލަފާކޮށް މުޅި ރާއްޖެއަށް ވައިޓް އެލާޓް ނެރެފި

ބޯކޮށް ވާރޭ ވެހޭނެކަމަށް ލަފާކޮށް މޫސުމާބެހޭ ގައުމީ އިދާރާ (މެޓް އޮފީހުން) މުޅި ރާއްޖެއަށް ވައިޓް އެލާޓް ނެރެފި އެވެ.

މެޓް އޮފީހުން މުޅި ރާއްޖެއަށް ވައިޓް އެލާޓް ނެރެފައިވަނީ މިއަދު ހެނދުނު 08:45 ން މެންދުރުފަހު 14:45 އަށެވެ.

pic.twitter.com/qNxQczsznK

— Maldives Meteorology (@MetMaldives) July 18, 2022

އެ އިދާރާއިން ބުނީ މި ވަގުތުތަކުގައި ބޯކޮށް ވާރޭވެހުމާއެކު ގުގުރާނެ ކަމަށެވެ. އާދި ވިލާގަނޑުގައި 19 މޭލާއި 24 މޭލާ ދެމެދު ވައިގަދަ ވާނެ ކަމަށާއި ކަނޑުތައް ގަދަވާނެ ކަމަށެވެ.

މޫސުން ކުރިއަށް ލަފާކުރާގޮތުގައި ހުރިހާ ސަރަހައްދަކަށްވެސް ކަނޑު އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެކަމަށްވެސް ވަނީ ލަފާކޮށްފައެވެ.

އެލާޓް ނެރެފައިވާ މުއްދަތުގައި ރާއްޖޭގެ ހުރިހާ ސަރަހައްދެއްގައި ވެސް ރާޅުތައް އުފުލޭނެކަމަށް ލަފާކޮށްފައިވަނީ 3-6 ފޫޓަށެވެ.