ނިޔާވެފައިވާ މީހަކު ފުލުހުންގެ ތަހުގީގަށް ހާޒިރުވުމަށް އަންގައި އިއުލާނުކުރެވިފައިވާ މައްސަލައާ ގުޅިގެން ދަންނަވަމެވެ.

އެމީހާ ފުލުހުންގެ ތަހުގީގަށް ހާޒިރުވުމަށް އަންގައި އިއުލާނު ކުރެވިފައިވަނީ އިދާރީ އޮޅުމަކުންނެވެ.
1/3
— Maldives Police (@PoliceMv) August 28, 2022

އަދި މިފަދަ ކަމެއް ތަކުރާރުވިޔަ ނުދިނުމަށްޓަކައި އަޅަންޖެހޭ ފިޔަވަޅުތައް އަޅައި، މިފަދަ ކަންކަމުގައި އަމަލުކުރަމުންގެންދާ އުސޫލުތަކަށް ގެންނަޖެހޭ ބަދަލުތައް މި މުއައްސަސާއިން ގެންނާނެކަމުގެ ޔަގީންކަން އަރުވަމެވެ.
3/3
— Maldives Police (@PoliceMv) August 28, 2022

ޝަކްލުاللهގެ ފޮޓޯ ފުލުހުން މިއަދު އާންމުކުރިއިރު އޭނާ ވަނީ މިދިޔަ އަހަރުގެ ޖޫން 19 ވަނަ ދުވަހު ނިޔާވެފަ އެވެ.

އެކަމާ ގުޅިގެން ގިނަ ބައެއްގެ ފާޑުކިޔުން ފުލުހުންނަށް ވަނީ އަމާޒުވެފަ އެވެ.

ފުލުހުން ބުނީ އެ އިއުލާން ކުރެވުނީ އިދާރީ އޮޅުމަކުން ކަމަށެވެ. އެކަމަށްޓަކައި މަރުވެފައިވާ މީހާގެ އާއިލާއާއި އާންމުންގެ ފަރާތުން ފުލުހުން ވަނީ މާފަށް އެދިފައެވެ.

އަދި މިފަދަ ކަމެއް ތަކުރާރުވިޔަ ނުދިނުމަށްޓަކައި އަޅަންޖެހޭ ފިޔަވަޅުތައް އަޅައި، މިފަދަ ކަންކަމުގައި އަމަލުކުރަމުންގެންދާ އުސޫލްތަކަށް ގެންނަ ޖެހޭ ބަދަލުތައް އެ މުއައްސަސާއިން ގެންނާނެކަމުގެ ޔަގީންކަން އަރުވާ ކަމަށް ފުލުހުން ބުންޏެވެ.

މިލިޔުމާއި ގުޅޭ