ށ.އަތޮޅު ކައުންސިލްގެ ޤުރުއާން މުބާރާތުގެ 1 ވަނަ މިލަންދޫ ސްކޫލް

ށ. އަތޮޅު ކައުންސިލުން ބޭއްވި "އެސް.ޓީ.އޯ ވިޔަވަތި ޤުރުއާން މުބާރާތް 2022" ގެ ފަޚުރުވެރި 1 ވަނަ މިލަންދޫ ސްކޫލުން ހޯދައިފިއެވެ.

އެ އަތޮޅުގެ 10 ސުކޫލަކުން 85 ދަރިވަރުން ވާދަކުރި މިމުބާރާތުގެ ނަތީޖާ ފާޅުކުރުމުގެ ރަސްމިއްޔާތު ޝަރަފުވެރި ކޮށްދެއްވާފައިވަނީ އިސްލާމިކް މިނިސްޓަރު އަހުމަދު ޒާހިރު އަލީއެވެ.

މި މުބާރާތުގައި ބައިވެރިވި އެ ސްކޫލުގެ ސާދަ ދަރިވަރުންނަށް ވެސް އެކި ވަނަތައް ލިބިފައިވެއެވެ. މި މުބާރާތުން އެންމެ މޮޅު ދެވަނަ ސްކޫލަކަށް ފުނަދޫ ސްކޫލް ހޮވުނުއިރު، ތިންވަނަ ސްކޫލަކަށް ހޮވުނީ ފޯކައިދޫ ސްކޫލެވެ.

ވިޔަވަތި ޤުރުއާން މުބާރާތުގެ ދެ ގޮފީގެ ވަނަތަކަށް ހޮވުނު ދަރިވަރުން

މިމަހުގެ 22 އިން ފެށި މިމުބާރާތް 24 އަށް ބޭއްވުނު މި މުބާރާތުގެ އެންމެ މޮޅު 30 ދަރިވަރުން ޤައުމީ ޤުރުއާން މުބާރާތަށް ވަނީ ހޮވިފައެވެ. އެއީ ޖޫނިއާ އާއި ސީނިޔާ ކެޓަގަރީގެ ތެރެއިން ކޮންމެ ކެޓަގަރީއަކުން 15 ދަރިވަރުންނެވެ.