ހދ. އޭއީސީގެ ކެޕްޓަނަކަށް ސަމްހާ އަބްދު ލަތީފް

އާ ދިރާސީ އަހަރަށް 2022-2023އަށް ހދ.އަތޮޅު ތައުލީމީ މަރުކަޒުގެ ސްޓޫޑެންޓް ކައުންސިލާއި، ޕްރިފެކްޓް ބޯޑް އިފްތިތާހުކޮށް ދަރިވަރުންނަށް މަގާމުގެ ސޭޝްއާއި ޓެގް ހަވާލުކުރުމުގެ ރަސްމިއްޔާތު ބާއްވައިފިއެވެ.

މިއަދު އެ ސްކޫލްގެ ހޯލުގައި އޮތް މިރަސްމިއްޔާތު ޝަރަފުވެރިކޮށްދެއްވީ ހދ. އަތޮޅު ކައުންސިލްގެ ސެކްރެޓަރީ ޖެނެރަލް އިބްރާހީމް އުމަރެވެ.

މިއަހަރު އެ ސްކޫލުގެ ކެޕްޓަނަކަށް ހޮވުނީ ގުރޭޑް ދިހައެއްގައި ތައުލީމް ހާސިލުކުރަމުންދާ ސަމްހާ އަބްދު ލަތީފެވެ.

އާ ދިރާސީ އަހަރަށް އިފްތިތާހު ކުރެވުނީ ޕްރިފެކްޓް ބޯޑާއި ސްކޫލްގެ ކެޕްޓަނާއި ޑެޕިޔުޓީ ކެޕްޓަނުން އަދި ސްކޫލްގެ ހަތަރު ހައުސް ކަމަށްވާ މާކަރީ، ވީނަސް، ޕްލޫޓޯ އަދި މާސް ހައުސްގެ ކެޕްޓަނުންނަށާއި ވައިސް ކެޕްޓަނުންނަށް ޒިންމާ ހަވާލުކޮށް ސޭޝް ހަވާލުކުރިއެވެ.

މިރަސްމިއްޔާތު ޝަރަފުވެރިކޮށްދެއްވީ ހދ. އަތޮޅު ކައުންސިލްގެ ސެކްރެޓަރީ ޖެނެރަލް އިބްރާހީމް އުމަރު ދަރިވަރުންނާއި މުހާތަބުކޮށް ދެއްކެވިވާހަކާގައި ވަގުތުގެ ބޭނުން ރަނގަޅަށް ހިފުމަށް ދަރިވަރުންނަށް ނަސޭހަތްތެރިވިއެވެ.

މީގެ އިތުރުން މިޖަލްސާގައި ދަރިވަރުންނާއި މުހާތަބުކޮށް ސްކޫލްގެ ޕްރިންސިޕަލް މުހަންމަދު މަތީން ދެއްކެވި ވާހަކައިގައި، ސްކޫލް ދައުރުގައި އިސްވާރެއްގެ ގޮތުގައި ހަރަކާތްތެރިވުމުގެ މުހިންމުކަމުގެ މައްޗަށް އަލިއަޅުވައިލެއްވިއެވެ.

ސްޓޫޑެންޓް ކައުންސިލްގެ ބޭނުމަކީ، ސްކޫލްގައި ހިންގާ ތަފާތު ހަރާކާތްތަކުގައި ދަރިވަރުނެގެ ބައިވެރިވުން އިތުރުކޮށް ލީޑާޝިޕް ހުނަރުތައް އިތުރުކުރުވުމެވެ. ސްޓޫންޑް ކައުންސިލްގައި ހިމެނެނީ ދަރިވަރުންގެ ސީދާ ވޯޓަކުން އިންތިކާބުކުރާ ސްޓޫޑެންޓް ލީޑަރުންނާއި، ދަރިވަރުންނާއި ޓީޗަރުން ވޯޓްލައިގެން ހޮވާ، ސްކޫލް ކެޕްޓަނާއި ވވައިސް ކެޕްޓަނުންނެވެ. ހދ. އަތޮޅު ތައުލީމީ މަރުކަޒުގެ ސްޓޫޑެންޓް ކައުންސިލްއެކުލެވިގެންވަނީ 27 ސްޓޫޑެންޓް ލީޑަރުންގެ މައްޗަށެވެ.

މި ރަސްމިއްޔާތުގައި ސްކޫލުތަކުގެ ވެރިންނާއި ޓީޗަރުން އަދި ގިނަ އަދަދެއްގެ ދަރިވަރުން ބައިވެރިވި އެވެ